Sigmar Gabriel

Sigmar Gabriel
Personaj informoj
Naskonomo	Sigmar Hartmut Gabriel
Naskiĝo	12-an de septembro 1959 (58-jara); en Goslar, Malsupra Saksio, Okcidenta Germanio
Ŝtataneco	Germanio, Okcidenta Germanio
Alma mater	Universitato de Göttingen • Ratsgymnasium Goslar
Profesio	politikisto, instruisto, verkisto de nefikcio, ministro
Oficiala retejo	https://sigmar-gabriel.de
Lingvoj	germana lingvo
Infanoj	3
v • d • r

Sigmar Gabriel en 2015

Sigmar GABRIEL estas germana politikisto. Li naskiĝis la 12-an de septembro 1959(nun 1959-09-12) en Goslar, do nun estas 58-jara. Inter 1999 kaj 2003 li estis ĉeministro de la germania federacia lando Malsupra Saksio, kaj inter novembro 2005 kaj oktobro 2009 en registaro gvidata de Angela Merkel estis federacia ministro pri medio, protekto de naturo kaj atomenergia sekureco de Germanio, en granda koalicio inter kristandemokratoj kaj socialdemokratoj, la du plej grandaj parlamentaj frakcioj.

Sigmar Gabriel kun usona ministo pri aferoj eksterlandaj Rex Tillerson en Vaŝingtono, februaro 2017

Sigmar Gabriel kun Angela Merkel kaj Frank-Walter Steinmeier; kaj en la fono Christian Schmidt kaj Ursula von der Leyen, 2014.

Li reprezentas la Socialdemokratian Partion de Germanio (SPD), kiu ekde oktobro 2009 en la germania parlamento Bundestag estas partio opozicia. Ekde la 13-a de novembro 2009 li estas prezidanto de sia partio. En la registaro de Germanio, kiu oficu de la 17-a de decembro 2013 ĝis la jaro 2017, li laŭ publikiĝo de la 15-a de decembro 2013 estu vickanceliero kaj ministro pri ekonomio kaj teknologio.

De la jaro 2017 li ekestis ministro pri eksterlandaj aferoj.

La 3an de februaro 2018 li oficiale prezentis la jenan starpunkton pri germanaj koncentrejoj (^[1]), kio kaŭzis la grandan internaciskalan eĥon ankaŭ en Esperantujo: "Ĉi tiu organizita amasa murdo estis farita de nia lando kaj de neniu alia. Individuaj kunlaborantoj ne ŝanĝas tion," diris la Federala Eksterlanda Ministro." Germane: „Es gibt nicht den geringsten Zweifel daran, wer für die Vernichtungslager verantwortlich ist, sie betrieben und dort Millionen europäischer Juden ermordet hat: nämlich Deutsche“, erklärte Gabriel nach Angaben des Auswärtigen Amtes am Samstag in Berlin. „Von unserem Land wurde dieser organisierte Massenmord begangen und von niemand anderem. Einzelne Kollaborateure ändern daran nichts“, so die klare Stellungnahme des Bundesaußenministers. (la traduko farita de EU-tradukisto Istvan Ertl, ankaŭ similajn tradukojn faris interalie: d-ro Seán Ó Riain - irlanda diplomato, Zsófia Kóródy - gvidantino de la E-centro en Hercbergo, d-ro Andras Asztalos - hungara diplomato kaj Gary Mickle).