Skota Episkopa Eklezio

Skota Episkopa Eklezio
konfesio ; Episkopanismo
Komenco	1712 vd
Landoj	Unuiĝinta Reĝlando vd
Sidejo	Edinburgo
Retejo	Oficiala retejo
	v • d • r

La Skota Episkopa Eklezio (skotgaele Eaglais Easbaigeach na h-Alba, angle Scottish Episcopal Church) estas kristana eklezio en Skotlando, konsistanta el sep diocezoj kaj membro de la Anglikana Komunio.^[1] Ekde la 17-a jarcento, ĝi nomiĝas " episkopa " por distingi ĝin de la presbiterianisma Eklezio de Skotlando. Kiel membro de la Anglikana Komunio, la Skota Episkopa Eklezio agnoskas la superecon de la Ĉefepiskopo de Canterbury, kiu tamen ne havas jurisdikcion en Skotlando. La nuna primato de la eklezio estas Episkopo David Chillingworth.

Laŭ datumoj de la Monda Konsilio de Eklezioj el 2018, la Eklezio havas 28 647 fidelulojn kaj ĝia pastraro konsistas el 184 pastroj.

Ekde junio 2017, samseksaj paroj rajtas geedziĝi en la eklezio.^[2]

Teologio

La instruoj de la Skota Episkopa Eklezio situas ene de la anglikana branĉo de kristanismo. Tio signifas, ke, kompare kun aliaj protestantaj konfesioj, ili estas relative proksimaj al katolika dogmo. La plej gravaj veroj de kredo estas:

Jesuo Kristo estis kaj plene homo kaj plene Dio; li mortis kaj poste resurektis;
Jesuo donas al kredantoj la vojon al eterna vivo
La Malnova kaj Nova Testamentoj estis verkitaj de homoj agantaj sub la inspiro de la Sankta Spirito ;
La du plej gravaj sakramentoj necesaj por savo estas bapto kaj la Eŭkaristio.
Tiel nomataj sakramentaj ritoj (sakramentoj, kies ricevo ne estas necesa por savo) estas konfirmacio, ordinado, geedziĝo, konfeso kaj sanktoleado de malsanuloj.
Kredo en ĉielo, infero kaj parusio (d:Q15217318)

Organizo

Kiel ĉiuj anglikanaj eklezioj, la Skota Episkopa Eklezio agnoskas la honoran gvidecon de la Ĉefepiskopo de Canterbury, kiu tamen ne tradukiĝas en iujn ajn kompetentojn. La estro de la Eklezio estas ĝia Primaso, elektita de la sinodo el inter la diocezaj episkopoj. La Primaso prezidas la plej gravajn ekleziajn instituciojn kaj ankaŭ reprezentas la Eklezion ekstere. Tamen, li ne havas kanonan aŭtoritaton super la diocezaj episkopoj. Ekde 2009, ĉi tiun postenon okupas Episkopo Mark Strange. Ĉiu episkopo estas ankaŭ la metropolito de sia diocezo.