Slava lingvaro

Slava lingvaro
Bazaj informoj
Parolata en	orienta, suda, kaj norda eŭropo.
Klasifiko
Lingvistika klasifiko	Hindeŭropa
	Baltslava
	Slava
Pralingvo	Praslava lingvo
Pliaj trajtoj
Skribo	Cirila alfabeto, Latina alfabeto, Glagolita alfabeto
Lingvaj kodoj
ISO 639-2	sla

La slava lingvaro estas sublingvaro de la hindeŭropa lingvaro. Ĝi dividiĝas je la orienta (rusa, ukraina, belorusa lingvoj), la okcidenta (pola, ĉeĥa, slovaka, soraba lingvoj) kaj la suda (slovena, kroata, bosnia, montenegra, serba, makedona, bulgara lingvoj) subgrupoj. La tri plej multnombraj popoloj de la grupo estas rusoj, ukrainoj kaj poloj. Entute dum 1992 ekzistis 293,5 milionoj da parolantoj de slavaj lingvoj, inter ili en la Rusia Federacio loĝis 125,5 milionoj.

Slavaj lingvoj havas ĝis nun bone rimarkeblan parencecon kaj leksikan kaj gramatikan. La eklezia slava lingvo estas la plej malnova skribita slava lingvo.

Klasifiko

La slava lingvaro povas esti klasifikata laŭ la sekva skemo. Krome ĝi parencas al la balta lingvaro.

Ĝenerala klasifiko de la Balto-slava lingvaro Baltaj lingvoj Slavaj lingvoj Balta lingvaro praprusa kurona latva litova Slava lingvaro Okcidentslava pola kaŝuba soraba ĉeĥa slovaka Sudslava slovena serbokroata kroata bosna montenegra serba makedona bulgara Orientslava rusa ukraina rusina belorusa

Etnoj de la grupo	Kvanto
Okcidenta subgrupo
Poloj	50.000.000
Ĉeĥoj	10.380.000
Slovakoj	4.500.000
Soraboj	100.000
Orienta subgrupo
Rusoj	146.500.000
Ukrainoj	46.000.000
Belorusoj	8.000.000
Suda subgrupo
Slovenoj	2.300.000
Kroatoj	6.250.000
Bosnianoj	1.800.000
Serboj	7.400.000
Montenegranoj	600.000
Makedona	1.770.000
Bulgaroj	8.450.000

Belorusoj

• Nomo: [m] беларусы (biełarusy); [f] Bielorusses; [r] белорусы (belorusy)
• Popolo, ĉefloĝantoj de Belorusio (pli ol 7,9 mln en 1992). Ili loĝas ankaŭ en Rusia Federacio (1,2 mln), Ukrainio (440 mil), Kazaĥstano (183 mil), Latvio (120 mil), Litovio (63 mil), Uzbekistano (63 mil), Estonio (27,7 mil), Pollando (ĉ. 300 mil), ka.
• Lingvo: belorusa.
• Kredantoj: precipe ortodoksuloj (60-65%), estas ankaŭ katolikoj (15%) ka.

Bosnianoj (Bosniaj islamuloj)

• Nomo: [m] musulmane, bosanci, bošnjaci; [f] Musulmans, Bosniens; [r] боснийцы (bosnijcy)
• Popolo, ĉefloĝantoj de Bosnio kaj Hercegovino. Kvanto: 1,8 mln (1992). Ili loĝas ankaŭ en Jugoslavio (220 mil), Kroatio (14 mil), Turkio (30 mil), Usono (30 mil). Totala kvanto: 2,1 mln. Bosnianoj estas loĝantoj (precipe serboj kaj kroatoj) de historiaj regionoj Bosnio kaj Hercegovino, kiuj akceptis islamon dum osmana regado.
• Lingvo: bosnia.
• Kredantoj: muzulmanoj-sunaistoj.

Bulgaroj

• Nomo: [m] Българи (Bălgari); [f] Bulgares; [r] болгары (bolgari)
• Popolo, ĉefloĝantoj de Bulgario (7,85 mln). Ili loĝas ankaŭ en Ukrainio (234 mil), Moldavio (88 mil), Rusia Federacio (32,8 mil) kaj aliaj landoj. Totala kvanto: 8,45 mln (1992).
• Lingvo: bulgara.
• Kredantoj: precipe ortodoksuloj, parto: muzulmanoj-sunaistoj.

Ĉeĥoj

• Nomoj: [m] Češi; [f] Tcheques; [r] чехи (čechi)
• Popolo, ĉefloĝantoj de Ĉeĥio (9,55 mln, 1992). Totala kvanto: 10,38 mln
• Lingvo: ĉeĥa.
• Kredantoj: precipe katolikoj, estas ankaŭ protestantoj.

Kaŝuboj

• Nomoj: [m] Kaszëbi; [f] Kachoubes; [r] кашубы (kašuby)
• Etnografia grupo de poloj, loĝas en ĉemara parto de Pollando.
• Lingvo: kaŝuba.
• Kredantoj: precipe katolikoj.

Kroatoj

• Nomoj: [m] Hrvati; [f] Croates; [r] хорваты (chorvaty)
• Popolo, ĉefloĝantoj de Kroatio (4,4 mln). Bosnio kaj Hercegovino (630 mil), ili loĝas ankaŭ en Serbio (100 mil), .... Totala kvanto: 6,21 mln (1995).
• Lingvo: kroata.
• Kredantoj: precipe katolikoj.

Makedonoj

• Nomoj: [m] Македонци (Makedonci); [f] Macedoniens; [r] македонцы (makedoncy)
• Popolo, ĉefloĝantoj de Makedonio. Totala kvanto: 1,77 mln (1992), inter ili en Makedonio 1,63 mln
• Lingvo: makedona (makedona-bulgara).
• Kredantoj: ortodoksuloj, estas ankaŭ muzulmanoj-sunaistoj.

Montenegranoj

• Nomoj: [m] Црногорци (Crnogorci); [f] Montenegrins; [r] черногорцы (ĉernogorcy)
• Popolo, ĉefloĝantoj de Montenegro (460 mil); en Serbio 140 mil (1992). Ili loĝas ankaŭ en Usono kaj Albanio. Totala kvanto: 620 mil.
• Ili parolas en ŝtokava dialekto de la montenegro.
• Kredantoj: precipe ortodoksuloj.

Poloj

• Nomoj: [m] Polacy; [f] Polonais; [r] поляки (poljaki)
• Popolo, ĉefloĝantoj de Pollando (pli ol 37,75 mln). Totala kvanto: 50 mln (2006), inter ili en Usono 3.8 mln, Francio 300 mil, Rusia Federacio 94,6 mil, Ukrainio 219,2 mil, Litovio 258 mil, Belorusio 417,7 mil. Kelkaj etnografiaj grupoj (kaŝuboj, mazuroj ka.) konservis specifojn de la lingvo kaj kulturo.
• Lingvo: pola.
• Kredantoj: precipe katolikoj.

Rusoj

• Nomoj: [r] русские (russkije); [f] Russes
• Popolo, ĉefloĝantoj de Rusia Federacio (pli ol 119,87 mln). Ili loĝas ankaŭ en Ukrainio 11,35 mln, en Kazaĥstano 6,23 mln, Uzbekistano 1,65 mln, Belorusio 1,34 mln, Kirgizio 916,6 mil, Latvio 905,5 mil, Moldavio 562 mil, Estonio 474,8 mil, Azerbajĝano 392,3 mil, Taĝikio 388,5 mil, Litovio 344,5 mil, Kartvelio 341,2 mil, Turkmenio 333,9 mil, Armenio 51,5 mil (1989), en la landoj de Ameriko (precipe en Usono) kaj Okcidenta Eŭropo. Totala kvanto: 146,5 mln (1992).
• Apartenas al balta (en nordo), orienteŭropa (en centro) kaj aliaj tipoj de granda eŭropoida raso.
• Lingvo: rusa.
• Kredantoj: precipe ortodoksuloj, sed ankaŭ novprotestantoj.

• • KOZAKOJ. Nomo: [f] Cosaques; [r] казаки (kazaki) - etnogrupo en konsisto de rusa kaj aliaj popoloj. Totala kvanto: en Rusia Federacio ĉ. 5 mln. Lingvo: rusa, estas disvastigita dulingvismo. Kredantoj: ortodoksuloj, estas ankaŭ reprezentantoj de aliaj konfesoj.

Serboj

• Nomoj: [m] Srbi; [f] Serbes; [r] сербы (serby)
• Popolo, ĉefloĝantoj de Serbio kaj Unia Respubliko Serbio. Totala kvanto: 7,4 mln, inter ili en Serbio pli ol 6,7 mln (1992).
• Lingvo: serba.
• Kredantoj: ortodoksuloj.

Slovakoj

• Nomoj: [m] Slováci; [f] Slovaques; [r] словаки (slovaki)
• Popolo, ĉefloĝantoj de Slovakio. Kvanto: 5,6 mln, inter ili en Slovakio ĉ. 4,5 mln (1992).
• Lingvo: slovaka.
• Kredantoj: katolikoj, estas ankaŭ protestantoj kaj uniatoj.

Slovenoj

• Nomoj: [m] Slovenci; [f] Slovenes; [r] словенцы (slovency)
• Popolo, ĉefloĝantoj de Slovenio. Kvanto: 2,3 mln (1992), inter ili en Slovenio 1,7 mln
• Lingvo: slovena.
• Kredantoj: katolikoj, estas ankaŭ protestantoj kaj ortodoksuloj.

Soraboj

• Nomoj: [m] Lusace en Germanio [f] Sorabes de Lusace;(lužickije serby, sorby, vendy)
• Popolo en Germanio, Luzacio, 100 mil (1992).
• Lingvo: soraba.
• Kredantoj: precipe luteranoj, estas ankaŭ katolikoj.

• ¹ en supra soraba lingvo
• ² en malsupra soraba lingvo

Ukrainoj

• Nomoj: [m] українці (ukrajinci); [f] Ukrainiens
• Popolo, ĉefloĝantoj de Ukrainio (37,42 mln), en Rusia Federacio 4362,8 mil, Kazaĥstano 896,2 mil, Moldavio 600,3 mil, Belorusio 291 mil, Uzbekistano 153,2 mil, Kirgizio 108 mil, Latvio 92,1 mil; en Kanado 530 mil, Usono 500 mil, Pollando 300 mil, Argentino 100 mil.
• Apartenas al mezeŭropa branĉo de eŭropoida raso.
• Dividiĝas je subetnaj grupoj - Litvinoj, Poleŝukoj, Guculoj, Bojkoj, Lemkoj. Totala kvanto: 46 mln (1992).
• Lingvo: ukraina, rutena, vaste uzata ankaŭ sudrusa.
• Kredantoj: kristanoj (diversaj branĉoj de ortodoksismo, grekkatolikoj, romkatolikoj, luteranoj ktp), parto - paganoj.

Vidu ankaŭ

• Lingvistiko
• Listo de lingvoj
• Cirila alfabeto
• Tutslavaj koloroj
• Sudslava lingvaro