Slobodan Miloŝeviĉ

El Vikipedio, la libera enciklopedio
Salti al navigilo Salti al serĉilo
Slobodan Miloŝeviĉ
Slobodan Milosevic Dayton Agreement.jpg
Persona informo
Naskiĝo 20-an de aŭgusto 1941 (1941-08-20)
en Požarevac, axis occupation of Serbia
Morto 11-an de marto 2006 (2006-03-11) (64-jara)
en Scheveningen, Hago, Flag of the Netherlands.svg Nederlando
Mortokialo korinfarkto
Tombo Požarevac
Lingvoj angla lingvoserba lingvo
Ŝtataneco Socialisma federacia respubliko Jugoslavio • Federacia Respubliko Jugoslavio • Serbujo kaj Montenegro
Alma mater University of Belgrade Faculty of Law
Subskribo Slobodan Miloŝeviĉ
Familio
Patro Svetozar Milošević
Frat(in)o Borislav Milošević
Edz(in)o Mirjana Marković
Infano Marko Milošević
Profesio
Profesio politika komisaropolitikisto
Information icon.svg
vdr

Slobodan MILOŜEVIĈ (naskita la 29-an de aŭgusto 1941 en Poĵarevac, Jugoslavio, mortinta la 11-an de marto 2006 en Hago) estis serba politikisto kaj militkrimulo. Miloŝevic estis ekde 1987 politika gvidanto de Serbio, post 1989 kiel prezidento. Dum lia regado rapidigis disfalon de Jugoslavio kaj antaŭhelpis komencon de militoj kontraŭ iamaj kunŝtatoj de Jugoslavio. Li estis ekde 1997 ĝis 2000 prezidanto de la Federacia Respubliko Jugoslavio.

Li devenis el montenegra familio kaj en aĝo de 18 jam aliĝis al la Asocio de Jugoslavaj Komunistoj. En 1964 li diplomiĝis pri juro en la Beograda Universitato kaj komencis komercan karieron. Li estis ĉefdirektoro de ŝtata energioindustria entrepreno "Tehnogaz", poste prezidanto de la Beograda Kuna Banko. En 1984 li iĝis gvidanto de la komunista organizo de Beogrado.

Li baldaŭ ekpopulariĝis – li rekte alparolis la popolon – kaj elpremis en 1987 Ivan Stambolić el la gvidpotenco. Li postulis retiron de aŭtonomeco de Vojvodino kaj Kosovo, dume apogis la ŝtatan ekonomian apogpolitikon.

En 1990 li forpenis grandan parton de aŭtonomeco de Kosovo kaj Vojvodino, kontraŭis la federacian ŝtatoformon proponitan de Kroatio kaj Slovenio. Lia politiko ekigis kontraŭserbajn movadojn dise en Jugoslavio. Inter 1992 kaj 1995 li apogis serbajn banditojn, krimulojn [mankas fonto] kontraŭ la novaj sendependaj ŝtatoj de iama Jugoslavio. Novembre de 1995 li estis altrudita je paco. Pro la similaj konfliktoj kun la albanoj en 1998, la internacia komunumo gvide de Usono ekbombardis Serbion en 1999 kaj altrudis denove al paco.

La jugoslava registaro arestis lin – pro internacia premo – kaj en 2001 transdonis lin al la Internacia Krima Kortumo (IKK) en Hago. Li mortis tie, en prizono (2006) sen fina decido, prijuĝo de sia agado.