Socia distancado

El Vikipedio, la libera enciklopedio
Salti al navigilo Salti al serĉilo
Homoj staras en pli granda distanco unu de la alia ol kutime dum la kronvirusa pandemio de 2019-2020

Socia distancado (angle: social distancing) estas ne-farmacia rimedo celanta haltigi aŭ malhelpi la disvastiĝon de infekta malsano. La celo de la socia distancado estas malpliigi la oftecon de kontakto inter infektitaj kaj neinfektitaj homoj, tiel malhelpante la kontaĝadon, la morbokvanton kaj la mortokvanton.

La socia distancado pli efikas ĉe tiuj infektoj, kiuj disvastiĝas per gutetoj (tusado aŭ ternado); per senpera korpa kontakto, inkluzive de seksa kontakto; per nerekta korpa kontakto (ekzemple tuŝante infektitan surfacon); aŭ per aera disvastiĝo (se la mikroorganismo povas pluvivi en la aero tiom longdaŭre).

La socia distancado povus esti malpli efika ĉe tiuj infektoj, kiuj disvastiĝas ĉefe per infektita akvo aŭ manĝaĵo aŭ per vehikloj kiel moskitoj aŭ aliaj insektoj, kaj malpli ofte de unu homo al alia. Malutiloj de la socia distanco povas inkluzivi solecon, malpliigitan produktivecon kaj la mankon de aliaj avantaĝoj de homa interagado. En lokoj, kie la aliro al teknologio estas malofta, la socia distancado povas krome malfaciligi la observadon de la sano de la loĝantaro.

La termino vaste konatiĝis en 2020 dum la pandemio de COVID-19.

Bildaro[redakti | redakti fonton]

Vidu ankaŭ[redakti | redakti fonton]

  • Kvaranteno - simila situacio, sed pri homoj, kiuj eble jam estis en kontakto kun infektitoj