Somera Esperanto-Studado

Simbolo
Nomo	Somera Esperanto-Studado
Regiono	Slovakio
Periodo	Somere
Organizanto	E@I
Ekzistas ekde	2007
Celgrupo	Lernantoj de Esperanto
Informa retpaĝo	Paĝo pri SES
Fota retpaĝo	Vidu supran ligilon
	v • d • r

Reviziita versio de ĉi tiu paĝo, aprobita je 26 feb. 2012, estis bazita sur ĉi tiu versio.

Somera Esperanto-Studado (SES) estas somera esperanto-renkontiĝo organizata de E@I ekde la jaro 2007. Dum la unua jaro la aranĝo nomiĝis Slava Esperanto-Studado. Ĝis nun ĉiuj SES-oj okazis en Slovakio.

SES 2008

Unue sub la nomo "Somera Esperanto-Studado" SES okazis inter la 9-a kaj la 17-a de aŭgusto 2008 en Modra-Harmónia (Slovakio). SES 2008 estis ankaŭ la unua realmonda lernu!-renkontiĝo.

Partoprenis 105 partoprenantoj de 25 landoj.

Instruistoj

Stano Marček - (per rekta metodo) nivelo A1
Dalia Pileckienė - A1+
Petra Smideliusz - A2
Birke Dockhorn - B1
Erin Piateski - B1
Bertilo Wennergren - C1

SES 2009

En 2009 SES okazis de la 10-a ĝis la 18-a de julio en Modra, Slovakio. Estis 90 partoprenantoj el 25 landoj.^[1]

SES 2010

En 2010 SES okazis inter la 2-a kaj la 10-a de julio en la urbo Piešťany en Slovakio, 80 km de la slovaka ĉefurbo Bratislava, kun neantaŭvidite alta nombro de pli ol 200 aliĝintoj kaj ĉirkaŭ 190 partoprenintoj.

SES 2011

En 2011 SES okazis inter la 30-a de julio kaj la 7-a de aŭgusto en la urbo Nitra en Slovakio, 90 km de la slovaka ĉefurbo Bratislava. Ĝin partoprenis 191 homoj el 28 landoj.