Somo

Somo (sanskrite सोम, soma aŭ aveste haoma) estis veda rita trinkaĵo grava inter la fruaj hindiranoj kaj la poste venintaj kulturoj de Granda Hindio kaj Granda Irano. Ĝi estas ofte menciita en la "Rigvedo", kies Soma Mandalo enhavas 114 himnojn, multaj el ili laŭdantaj ĝiajn energidonajn kvalitojn. En la "Avesto", haoma havas la tutan 20-an Yasht kaj de la 9-a ĝis la 11-a Yasna dediĉitaj al ĝi.