Sonita Alizadeh
| Sonita Alizadeh | |
|---|---|
| |
| Persona informo | |
| Naskiĝo | 30-an de novembro 1995 (27-jara) en Afganio |
| Lingvoj | persa • angla |
| Loĝloko | Usono |
| Ŝtataneco | Afganio |
| Alma mater | Wasatch Academy • Bard College |
| Okupo | |
| Okupo | repisto • aktivisto pri virinaj rajtoj • komponisto |
Sonita Alizadeh (perse سونیتا علیزاده: ; naskiĝis en1996) [1] estas afgana repkantistino kaj aktivulino kiu levis sian voĉon kontraŭ devigatan geedzecon. Alizadeh unue akiris atenton kiam ŝi eldonis "Brides for Sale" (fianĉinoj aĉeteblaj), videofilmon en kiu ŝi repkantas pri filinoj kies familianoj ilin vendas por (devige) edziniĝi. Kun la helpo de Rokhsareh Ghaem Maghami, irana filmisto de dokumentaj filmoj dokumentis ŝian rimarkindan rakonton en la filmo Sonita, kiun Alizadeh filmis por eskapi geedziĝon kiun siaj gepatroj estis planintaj por ŝi, kvankam eĉ estas kontraŭleĝa por virinoj kanti publike en Irano, kie ŝi vivis en periodo[2]. Post kiam la videofilmo aperis en YouTube, Alizadeh estis kontaktita de la Grupo Strongheart, kiu proponis al ŝi studentan vizon kaj financan helpon por veni al Usono kaj tie studi. Tien ŝi translokiĝis kaj poste ekloĝis[3].
Vivkuro[redakti | redakti fonton]
Alizadeh kreskis en Herato, Afganio, sub la regado de la Talibano. Sia patrino kiu mem edziniĝis jam en la aĝo de 13, unue konsideris vendi ŝin kiel fianĉino kiam ŝi estis 10-jara. Alizadeh diris ke ŝi en tiu tempo ne plene komprenis kion tio signifis[4]. Sia familio fuĝis al Irano por eskapi la Talibanon. En Irano, Alizadeh laboris kiel purigistino, dum ŝi ankaŭ instruis sin mem legi kaj skribi. Dum tiu ĉi periodo ŝi ankaŭ malkovris la muzikon de la irana repkantisto Yas kaj de la usona repisto Eminem. Inspirita de ilia muziko, ŝi komencis verki siajn proprajn kantojn. En 2014, Alizadeh partoprenis en usona konkurso por verki kanton por instigi aganojn voĉdoni dum la balotoj en Afganio. Ŝi gajnis premion de $1 000, kiun Alizadeh sendis al sia patrino, kiu reiris al Afganio.[3]
Nuna vivo[redakti | redakti fonton]
Alizadeh nuntempe vivas en Nov-Jorko kie ŝi daŭrigas verki kantojn. La dokumenta filmo nomata Sonita, unuafoje estis prezentita dum la Internacia Dokumenta Filmofestivalo de Amsterdamo en novembro 2015[4] kaj poste ricevis premion dum la Sundance Filmfestivalo.
"Fianĉinoj aĉeteblaj"[redakti | redakti fonton]
Mallonge post kiam Alizadeh gajnis la konkurson, la patrino de Alizadeh proponis reveni al Afganio, diranta ke ŝi trovis viron kiu volis aĉeti ŝin. Tiam ŝi estis nur 16-jara[4]. Post kiam Rokhsareh Ghaemmaghami, direktoro de la dokumenta filmo Sonita, pagis $2,000 al la patrino kaj petis ses monatojn de tempo por Sonita, estis kreita la filmo "Filinoj aĉeteblaj". Rokhsareh Ghaem Maghami filmis la muzikan videon kiu akiris grandan internacian atenton. La videofilmo estis populara e nur ĉe virinoj en Afganio, sed ankaŭ altiris la atenton de la neprofitocela Grupo Strongheart[3].
Noto kaj referencoj[redakti | redakti fonton]
Tiu ĉi artikolo estas traduko de la angla vikipedia artikolo Sonita Alizadeh, listo de la aŭtoroj.
- ↑ (franca) "Sonita Alizadeh: le rap comme rempart au mariage forcé", visionsmag.com
- ↑ (angla) Marusic, Kristina, "This Afghan Teen Escaped Forced Marriage By Making a Rap Video". MTV, la 12-an de oktobro 2015.
- ↑ 3,0 3,1 3,2 Ŝablona eraro: la argumento titolo estas bezonata.
- ↑ 4,0 4,1 4,2 (angla) Wainwright, Robert, "Afghan teen rapper was 10 when her mother first considered selling her Arkivigite je 2015-10-15 per la retarkivo Wayback Machine", The New York Times, la 8-an de oktobro 2015.
Eksteraj ligiloj[redakti | redakti fonton]
(angla) Sonita en IDFA
(angla) Sonia Alizadeh en la retejo de la Grupo Strongheart[rompita ligilo]
(angla) Intervjuo kun Sonita Alizadeh (jutuba filmeto)
(angla) Sonita - Brides for sale (jutuba filmeto)
United (oficiala jutuba filmeto)