Rusia Esperantista Junulara Movado: Malsamoj inter versioj
| [nekontrolita versio] | [nekontrolita versio] |
Umberto (diskuto | kontribuoj) e pliklarigis lingvajn kondiĉojn por aliĝo |
Umberto (diskuto | kontribuoj) e pliklarigis lingvajn kondiĉojn por aliĝo |
(Neniu diferenco)
| |
Kiel registrite je 12:20, 9 feb. 2005
Rusia Esperantista Junulara Movado (REJM) estas la tutlanda organizo de junaj esperantistoj de Rusio, LS de TEJO. REJM estas posteula organizo de SEJM (Sovetia Esperantista Junulara Movado).
La refonda konferenco okazis februare 2000 en Ĉeboksaro enkadre de la kongreso de la Rusia Esperantista Unio (REU). Kiel kunordiganto de la organizo estis elektita Vitalij MALENKO, kiu kun mallonga paŭzo gvidis la organizon ĝis somero 2004.
Aranĝoj
La ĉefaranĝo de REJM estas OkSEJT (Okcidenta Somera Esperantista Junulara Tendaro), kiu okazas ĉiujare en diversaj regionoj de la eŭropa parto de Rusio. La lasta estis la 5-10-an de julio 2004 en bazejo "Berjozka" (Vladimira provinco), ĝuste antaŭ la IJK-60.
Malregule okazas ankaŭ alia aranĝo de REJM en la azia parto de Rusio - OrSEJT (Orienta Somera Esperantista Tendaro).
Konferenco de REJM, la supera organo de la organizo, kunvenas ĉiujare enkadre de tutlandaj aranĝoj, kutime dum OkSEJT. Intertempe la gvidan funkcion prenas la komitato de REJM.
Alia aranĝo, kunfarata kun REU, estas arta festivalo EoLA ('Esperanto Lingvo Arta').
Krom tio REJM okazigas aktivul-trejnajn seminariojn.
Inform-organo
Informorgano de REJM estas REJM-info, kiu aperas kiel kvarpaĝa aldono al la organo de REU - REGo (Rusia Esperantista Gazeto) sesfoje monate.
Kiel aliĝi
Por aliĝi al REJM la kandidato devas trapasi baznivelan ekzamenon de Esperanto, aŭ ricevi konfirmon de du REJManoj pri sia lingvokono. Ĉiuj membroj de REJM, krom pago de jarkotizo, estas instigataj aboni la landan Esperanto-informilon "REGo".