Grifo

Statuo de grifo en Baziliko de Sankta Marko en Venecio.

Grifo (latine: gryphus, el la malnova greka lingvo: γρυψ, gryps) estas legenda kreitaĵo kun leonkorpo kaj aglaj kapo, ungegoj kaj flugiloj, kiu laŭdire loĝas en la montaroj kaj povas atingi ĝis 60 jaroj. Ĉar la leono estis tradicie la reĝo de bestoj, kaj la aglo estis rigardata kiel la reĝo de birdoj, la grifo estis konsiderata kreitaĵo precipe potenca kaj majesta. Grifoj estis ĉefe konataj pro gardi trezorojn. En la antikva tempo ĝi estis simbolo de potenco dia kaj gardanto de diaĵo.

Aspekto

La plejparto de la nuntempaj ilustraĵoj montras grifojn kun aglaj kruroj kaj krifojn kvankam en kelkaj pli antikvaj ilustraĵoj ĝi havas leonajn antaŭmembrojn; ĝenerale ĝi havas leonajn postmembrojn. Ĝia agla kapo ofte havas longajn orelojn, pli ĉevalaj ol leonaj, kaj kelkfoje la oreloj estas plumkovritaj.

Bibliografio

• Gebhardt, Harald kaj Ludwig, Mario: Von Drachen, Yetis und Vampiren - Fabeltieren auf der Spur. BLV-Verlag, München, 2005. ISBN 3-405-16679-9
• Stephani: Der Greif (in "Compte rendu de la commission archéologlque de St-Pétersbourg"). 1864

Vidu ankaŭ

• Viverno
• Drako
• Hipogrifo