Ekologia agrikulturo

Ekologie kreskigataj legomoj en Capay, Kalifornio, Usono.

Ekologia agrikulturo estas la produktado de nutraĵoj kaj aliaj agrikulturaj produktoj, laŭ kiel eble plej naturprotektaj metodoj kaj laŭ la scioj de ekologio kaj mediprotekto. Celo estas favorizi ne nur la agrosistemon, sed ankaŭ la biodiversecon, la biologian vivon de la grundo kaj la biologiajn ciklojn.

Metodo

Ekzistas apartaj reguloj pri ekologia agrikulturo, kiel ekzemple pri la uzo de kemiaĵoj. Oni rajtas nur uzi apartajn produktojn, kies listo estas ĝisdatigita ĉiujare. Produktoj kiel Bacillus thuringiensis kutime ne havas konsekvencojn por la homa sano.

Nutraj aspektoj

Ekologia premsigno

Pli detalaj informoj troveblas en artikolo Ekologia premsigno.

Mediaj aspektoj

Biodiverseco

Pli detalaj informoj troveblas en artikolo biodiverseco.

Ju pli da specioj kune kultivatas en kampoj, des pli produktiva la grundo iĝas. Tia kulturmetodo eĉ plibonigas la grundon jaron post jaro. Tion montris G. David Tilman per longdaŭra eksperimento, ĉe la universitato Saint Paul en Minesoto. La kampoj mastrumitaj per biodiverseco montriĝis duoble ĝis trioble pli produktivaj. Biomaso disvolviĝis ne nur super la grundsurfaco, sed ankaŭ sub ĝi, kio ebligas malliberigon de la atmosfera CO₂-o kaj kompenso de la forceja efiko.

Klimatŝanĝiĝo

Pli detalaj informoj troveblas en artikolo klimatŝanĝiĝo.

Ekonomiaj aspektoj

Por homoj kiuj deziras aĉeti ekologiajn legomojn kaj produktojn la ekonomia aspekto estas grava. Sed estas la laboro kiu prezentas la plej grandajn kostojn. Ekologia agrikulturo ne ricevas ekonomian helpon, do la kostoj estas "veraj". Industria agrikulturo ricevas helpon de la regiono, de Eŭropa Unio, ... do la kostoj estas malgrandaj. La aĉetantoj pagas la legomojn trifoje :

• kiam ili aĉetas
• kiam ili pagas fakturon de akvo por depolui
• kiam ili pagas impostojn por helpi industrian agrikulturon

Novaj disvolviĝoj

Estis decidite okaze de la vizito de Hugo Chávez en la Monda Socia Forumo fondi en Brazilo sudamerikan altlernejon pri ekologia agrikulturo: Escola Latino-Americana de AgroEcologia.

Aktivuloj

• Marc Bonfils
• Masanobu Fukuoka
• Bill Mollison
• Vandana Shiva
• Rudolf Steiner
• José Bové
• Dominique Guillet

Vidu ankaŭ

• Ekovilaĝo
• Permakulturo
• Biodinamika agrikulturo
• Vetivero
• Komunum-apogita agrikulturo
• Dispecigita frondara ligno

Eksteraj ligiloj

• ekzemplo de ekologia agrikulturo sude de Barato pri fruktarboj
• Fukuoka metodo
• projekto de ĉeurba ekologia agrikulturo en Kubo (france)
• Amrita Bhumi