Socialista Unueca Partio de Germanio

La SED (Sozialistische Einheitspartei Deutschlands - Socialista Unueca Partio de Germanio) estis politika partio en la Germana Demokratia Respubliko (GDR). Ĝi estis la gvida povo ene de la totalisme socialisma ŝtato GDR, kaj ĝia politike decida rolo ekde 1968 eĉ estis parto de la ŝtata konstitucio. La partio estis fondita dum la jaro 1946 kiel kuniĝo de la partioj SPD kaj la KPD de la teritorio de GDR - en okcidenta Germanio dume la partioj SPD kaj KPD plue sendepende pluekzistis, ĝis la komunisma partio KPD tie malpermesiĝis dum la jaro 1956. La kuniĝo de la partioj en GDR ne estis libervola, sed ĉefe pro premo de la Sovetunio. Dum 1989, la jaro de drastaj ŝanĝoj en GDR kaj la apudaj landoj de la ĝistiama orienta bloko, la nomo de la SED ŝanĝiĝis al SED/PDS kaj dum 1990 al PDS (Partei des Demokratischen Sozialismus - Partio de Demokratia Socialismo), kaj tiutempe ankaŭ devis multe ŝanĝi sian politikon, por integriĝi al la demokratia Germanio, anstataŭ esti totalisma partio de la GDR.

• 
  partia libro