Kastelo Nové Hrady (distrikto Ústí nad Orlicí)

Nové Hrady (kastelo).

Koordinatoj:48gradoj 47minutoj 28sekundoj N 14gradoj 46minutoj 57sekundoj O

Kastelo Nové Hrady estas dominanto de samnoma vilaĝo en la regiono de Pardubice. Proksime situas urboj Vysoké Mýto kaj Litomyšl.

Kastelo

Historio.

En la 15-a jarcento surloke staris gotika burbo. Kastelo, en rokoka stilo, stilo de francaj somerlokoj, ĉirkaŭita de rokoka ornama areo, estis konstruita dum la jaroj 1774 ĝis 1777 en la sama loko. Ĝi ofte estas nomata „Ĉeĥa Versailles“, aŭ „Malgranda Shonbrun“. Konstruigis ĝin grafo Jean-Antoine Harbuval de Chamaré laŭ projekto de la arkitekto Josefo Jäger. Bazan aspekton de la kastelo instigis kaj konstruadon direktis la grafo mem. La lasta posedanto de la kastelo antaŭ naciigo estis tekstilfabrikisto Josef Bartoň. Post la jaro 1989 restituis la kastelon genepoj de la lasta posedanto. Ekde la jaro 1997, kiam denove ŝanĝiĝis posedanto, la kastelo estas rekonstruata.

Nuntempo.

La konstruaĵo estas kovrita per mansarda tegmento kaj havas riĉe ornamitan fasadon. En la kastelon oni eniras tra vasta halo kun kruc-valboj. Ambaŭ flankaj aloj havas propran ŝtuparon. En la unua etaĝo, super la enirhalo, estas rokoka ĉefsalono, kie okazas eĉ edziĝfestoj. En la okcidenta alo troviĝas kapelo kun rokoka altaro (1777) de Josef Procházka kaj altara bildo (1778) de Jan Nivelta. Ornamo de la kastelo estas vasta parko en angla stilo kun krucuma vojo.

Kastela korto

Utiligo de la kastelo.

Nun la kastelo estas privata,publike alirebla. En kastelo eblas vidi eksponadon de antikva meblaro, bildoj kaj filigranaj artobjektoj. En flankaj aloj de la kastelo troviĝas restoracio, sukerejo kaj malgranda galerio. Al la kastelo apartenas ankaŭ ĉevalstalo kaj farmo por bredado de cervoj kaj damaoj.

Eksteraj ligoj.

http://cs.wikipedia.org. http://www..nove-hrady.cz/zamek