Gaŭla Milito

mapo de Gaŭlio dum la tempo de Julio Cezaro (58 a.K.)

La Gaŭla Milito en la antikva historio estas la nomo por la konkero de la kelta Gaŭlio, kies enloĝantoj defendiĝis sub gvido de la armeestro Vercingetoriks, fare de la armeo de la Romia Imperio, gvidita de la armeestro Julio Cezaro. La milito daŭris de la jaroj 58 ĝis 51/50 antaŭ Kristo, kvankam la decida batalo, la batalo de Alesia, en kiu malvenkis la gaŭloj, jam okazis dum la jaro 52 antaŭ Kristo.

La plej grava fonto estas la literatura verko "De Bello Gallico", kiun aŭtoris la armeestro Julio Cezaro mem. La verko, kiu literature estas tute bonstila, permesas ekzakte sekvi la evoluon de la milito. Tamen la fonto ne estas neproblema, ĉar Cezaro skizis la militon klare el sia persona vidpunkto.

aludo al la Batalo de Alesia kun mencioj de Vercingetoriks kaj Julio Cezaro en la esperantlingva bildrakonto Asteriks la Gaŭlo