Arbustosilvioj

Bradypterus estas genro de malgrandaj insektovoraj kantobirdoj (nomataj ankaŭ Arbustosilvioj) en la ĵus agnoskata familio de Megaluredoj. Ili estis iam lokataj en la Silviedoj, kiu estis tiam rubeja taksono por la silviecaj birdoj de Sylvioidea. La teritorio de tiu genro etendas tra la varmaj regionoj el Afriko ĉirkaŭ la Hinda Oceano kaj malproksime en Azion.

La megaluredaj arbustosilvioj estas rilataj al la herbosilvioj de la genroj Locustella kaj Megalurus, sed kunhavas vivstilon kaj rilatan adaptadon kaj apomorfojn kun la birdoj de Cettia, la alia genro de arbustosilvioj. Tiuj apartenas al pli malnova stirpo de Sylvioidea. Ambaŭ genroj de "arbustosilvioj" estas pli malgrandaj birdoj bone adaptataj al grimpado inter arbustoj. Ili estas tre longvostaj birdoj, je unua vidaĵo iom similaj al trogloditoj.

Tiuj estas tre teremaj (surgrundemaj) birdoj, kiuj loĝas en densaj vegetaĵaj habitatoj kiel densaj arbaroj kaj kareksejoj. Ili forkuras el ĝenado pli ol flugi. La similecoj laŭ plumaro kaj kaŝema vivstilo faras tiujn birdojn malfacile videblaj kaj identigeblaj.

Megaluredaj arbustosilvioj estas plej ofte grizecbrunaj supre kaj helgrizecaj aŭ sablokoloraj sube. Ili havas malmultan bildon aparte el ĉiama superokula strio. Kune ili ŝajnas multe kiel la pli senmarkaj specioj inter la marĉobirdoj Acrocephalus laŭ koloro. Ĉetiedaj arbustosilvioj kutime estas iom pli fortikaj, kun malpli pintecaj vostoj, sed estas ĉiukaze tre similaj.

Specioj

Tiu genro bezonas revizion. La Viktorina silvio, "Bradypterus" victorini, ne apartenas al tiu genro. Fakte ŝajne ĝi apartenas al distinga familio eĉ ne proksime rilata al Bradypterus, kio inkludas tiajn birdojn kiaj silvietojn (Sylvietta) kaj longbekulojn (Macrosphenus). Necesas nova genro por Viktorina silvio, sed tio ankoraŭ ne estas farata.

Aliaj, kiel la Brundorsa arbustosilvio kaj la Ĉinia arbustosilvio, ŝajne apartenas al Locustella.

• Afrika arbustosilvio, Bradypterus baboecala
• Centrafrika arbustosilvio, Bradypterus grandis
• Blankaflugila arbustosilvio, Bradypterus carpalis
• Graŭera arbustosilvio, Bradypterus graueri
• Bambua arbustosilvio, Bradypterus alfredi
• Marborda arbustosilvio, Bradypterus sylvaticus
• Kameruna arbustosilvio, Bradypterus lopezi
• Arbara arbustosilvio, Bradypterus mariae (iam en B. lopezi)
• Baratafrika arbustosilvio, Bradypterus barratti
• Bangva arbustosilvio, Bradypterus bangwaensis
• Cinama arbustosilvio, Bradypterus cinnamomeus
• Punktobrusta arbustosilvio, Bradypterus thoracicus
• Davida arbustosilvio, Bradypterus davidi
• Longbeka arbustosilvio, Bradypterus major
• Ĉinia arbustosilvio, Bradypterus tacsanowskius
• arbustosilvio, Bradypterus seebohmi
• Timora arbustosilvio, Bradypterus timorensis ( iam en B. seebohmi)
• Mandela arbustosilvio, Bradypterus mandelli ( iam en B. seebohmi)
• arbustosilvio, Bradypterus montis ( iam en B. seebohmi)
• arbustosilvio, Bradypterus luteoventris
• Tajvana arbustosilvio, Bradypterus alishanensis
• Srilanka arbustosilvio, Bradypterus palliseri
• arbustosilvio, Bradypterus accentor
• Longvosta arbustosilvio, Bradypterus caudatus
• Brundorsa arbustosilvio, Bradypterus castaneus

Referencoj

• Beresford, P.; Barker, F.K.; Ryan, P.G.; & Crowe, T.M. (2005): African endemics span the tree of songbirds (Passeri): molecular systematics of several evolutionary 'enigmas'. Proceedings of the Royal Society 272 (1565): 849–858. COI:10.1098/rspb.2004.2997 PDF plena teksto Elektronika apendico
• del Hoyo, Josep; Elliott, Andrew & Sargatal, Jordi (eldonistoj) (2006): Handbook of the Birds of the World (Volume 11: Old World Flycatchers to Old World Warblers). Lynx Edicions, Barcelona. ISBN 849655306X