Antonomazio

Antonomazio estas nocio el la retoriko. Ĝi estas vortfiguro kiu uzas

1. karakterizan ekvivalenton anstataŭ la propra nomo aŭ
2. propran nomon kiel karakterizan epiteton.

Nuntempe precipe ĵurnalistoj ŝatas uzi antonomaziaĵojn por eviti tro oftan ripeton de nomo.
Sed ankaŭ en la kampo de la turismo oni uzas la allogan efikon de (ofte troiga) antonomazio.

Ekzemploj:

<1>

La Granda Korsikanoanstataŭ Napoleono

Blanka Domo aŭ Vaŝingtono anstataŭ usona registaro.

Toskani-frakcio por partoj de la socialdemokrata eminentularo en Germanio, kiu kvankam anoj de tradicie maldekstra partio laŭdire ofte restadas en propraj somerdomoj en Toskanio.

La Urbo Eterna anstataŭ Romo

Big Apple anstataŭ Novjorko

La Venecio de la Nordo pri Peterburgo

Elbflorenco anstataŭ Dresdeno

La Ora Urbo anstataŭ Prago

La urbo de la parolantaj ŝtonoj (ne tiom ofte, tial minuskle]) anstataŭ Krakovo

<2>

Mi ne estas Krezo....signifas, ke mi ne estas riĉulo.

Li ne estas Adoniso....~, ke li ne elstaras per beleco.

~ ne havas herkulajn muskolojn....~, ke li ne havas tre fortajn.

~ estas vera Narciso....~, ke li ekstreme adoras la propran eksteraĵon.

~ estas vera CASANOVA / Donĵuano....~, ke li facile kaj ofte konkeras virinajn korojn.

Ŝi parolas kiel Kasandra....~, ke ŝi diras malagrablajn profetaĵojn.