Ŝpuro

Larĝo de trako, aŭ ŝpuro, estas unu el gravaj parametroj de fervoja trako. Ĝi estas distanco inter enaj randoj de supraj partoj de reloj.

La larĝo estas diversa en diversaj fervojoj. En plejmulto de landoj estas ĉefa larĝa larĝo, kaj povas ekzisti ankaŭ lokaj malgrandaj fervojaj sistemoj kun mallarĝa trako.

Larĝo de reala trako ne estas preze egala al la nominala. Pro eluzado la trako plilarĝiĝas. Ankaŭ oni faras malmulte pli larĝajn trakojn en turnoj por plifaciligi veturadon.

Norma traka larĝo estas 1435 milimetroj, ĝin havas ĉirkaŭ tri kvaronoj de longo de fervojaj trakoj de la tuta mondo. Malpli grandajn ŝpurojn oni nomas mallarĝaj; la koncernaj trakoj nomiĝas ankaŭ et-ŝpuraj. Mallarĝaj trakoj estas diversaj, la plej ofte uzataj estas 750, 914, 1000, 1067 milimetroj.

Ŝpuroj pli grandaj ol la norma nomiĝas larĝaj: 1520 mm (en Rusio, landoj de eksa Sovetio, ankaŭ en Finnlando kaj Mongolio, 1676 mm (en Hispanio kaj Portugalio.

Etŝpuraj trakoj permesas malpli grandajn kurbo-radiusojn kaj tial ofte estas uzataj en malfacila tereno, ekzemple en montaro. Larĝaj ŝpuroj donas pli da stabileco.

Eksteraj ligiloj

greke http://www.rrdc.com/op_argentina_all_meso.html greke http://www.mexlist.com greke http://www.rrdc.com/op_peru_fcca.html greke http://www.trains.com/Content/Dynamic/Articles/000/000/003/011gsqfq.asp