Lloydminster

Ŝablono:Informkesto civito Lloydminster estas Kanada urbo kun la malkutima geografia trajto situi ambaŭflanke de provinca limo. Malkiel la plimulto de tiaj kazoj, Lloydminster ne estas paro de ĝemelaj urboj ambaŭflanke de limo kiuj simple havas la saman nomon sed efektive korporaciiĝis kiel unu urbo kun unu municipa administracio.

La provinca limo iras de nordo al sudo, rekte sur la 50-a avenuo (Meridiana Avenuo) en la centro de Lloydminster. Oni konsideras adresojn situantaj oriente de la 50-a avenuo esti en Lloydminster (Saskaĉevano) kaj adresojn situantaj okcidente de la 50-a avenuo esti en Lloydminster (Alberto). Situanta je latitudo 53° 17' norde, Lloydminister estas la plej norda urbo de Saskaĉevano.

Laŭ la municipa censo de 2005, 23.632 homoj loĝas en Lloydminster, de kiuj 15.487 (65,5%) loĝas en Alberto kaj 8.148 (34,5%) loĝas en Saskaĉevano. Laŭ la federacia censo de 2001, Lloydminster havis entute 20.988 loĝantojn, de kiuj 13.148 (62,6%) loĝis en Alberto dum 7.840 (37,4%) loĝis en Saskaĉevano. De 1996 ĝis 2001 la loĝantaro kreskis je 16,2% sur la Alberta flanko dum ĝi kreskis je 2,7% sur la Saskaĉevana flanko.

Kaj la Alberta kaj la Saskaĉevana flankoj de la urboj havas 11-an rangon laŭ grandeco inter la municipoj de siaj respektivaj provincoj. Se la urbo estus tute en unu provinco aŭ la alia, ĝi havus la 9-an rangon en Alberto kaj la 5-an en Saskaĉevano.

Amaskomunikiloj

Radio

• FM 95.9: CKSA ("Lloyd FM", country)
• FM 97.5: CKUA-FM-15 (variety)
• FM 106.1: CKLM ("The Goat", rock)

Televizio

• Channel 2: CKSA, CBC
• Channel 4: CITL, CTV

Eksteraj ligoj

• City of Lloydminster homepage
• Lloydminster at The Canadian Encyclopedia

Notoj

http://members.virtualtourist.com/m/2ffa3/dd7cc/

Saskaĉevano