Insularo

Insularo (aŭ arkipelago) estas grupo de insuloj, kiuj konsistigas geografian, eble ankaŭ ekonomian kaj politikan unuon.

Antikve oni nomis la Egean Maron, kiu enhavas multajn insulojn, Arkipelago. La vorto devenas el la greka lingvo, en kiu ἀρχι- (arĥi-) prefikse signifas "ĉefa" kaj πέλαγος (pelagos) signifas "maro".

Juran difinon de insularo enhavas la UN-interkonsento pri mara juro (angla mallongigo: UNCLOS) de 1982. Ĝi insistas pri la unueco ne nur geografia, sed ankaŭ ekonomika kaj politika.

Konataj insularoj estas:

• La Acoroj
• La Aleutaj insuloj
• La Malgrandaj Antiloj
• La havaja insularo
• La Kanariaj Insuloj