Bengaluro

Bengaluro (angla Bangalore; kanara ಬೆಂಗಳೂರು Bengaluru) estas ĉefurbo de la barata (hinda) subŝtato Karnatako, en la sudo de Barato. La urbo enhavas 5,5 milionojn da loĝantoj, kaj laŭ kelkaj statistikoj ĝi estas do la sesa plej granda urbo de Barato.

La angla nomo de la urbo estas angligaĵo de la kanara nomo. Nuntempe estas propono renomi la urbon laŭ ĝia origina nomo. La unuaj skribitaj referencoj pri la urbo datiĝas de la naŭa jarcento post Kristo. Dum la periodo de koloniismo, la urbo fariĝis grava centro de brita regado.

Nuntempe, Bengaluro fariĝis tre grava centro por informatikaj firmaoj, kaj ĝi estas konsiderata vigla, kosmopolita centro. La plejmulto de la loĝantaro estas hinduisma, kaj la plej parolata lingvo estas la kanara, tamen la angla kaj multaj aliaj barataj lingvoj ĉiuj estas komunaj.

Bengaluro ĝuas mildan klimaton, multe malpli varma ol la klimato de la plej granda parto de Barato.

Esperantistoj

• Venkatesh Reddy

Ĝemelurbo

• Ŝablono:Flagicon Minsko, Belarusio
• Ŝablono:Flagicon San Francisco, Usono
• Ŝablono:Flagicon Cleveland, Usono
• Ŝablono:Flagicon Ĥarkovo, Ukrainio

Bildoj

• 
  Statuo de Jamshetji Tata, fondinto de la Barata Instituto pri Sciencoj
• 
  Unu el multaj informatikaj firmaoj
• 
  Komerca strato
• 
  "City market", sude de la urbo
• 
  Garuda mall, unu el la plej grandaj komerccentroj de Bangaloro.