Sigmundo Rákóczi (1544-1608)

RÁKÓCZI Zsigmond, barono (rakoci) princo de Transilvanio (1607–1608) (Felsővadász, 1544 – Felsővadász, 5-a de decembro 1608).

Biografio

Li edukiĝis en la kortego de Péter Perényi en Sárospatak kaj tie komenciĝis lia soldatkariero en luktoj kontraŭ turkoj. En 1567 iĝis kapitano de fortikaĵo Eger, en 1572 de Szendrő. En 1575 li iĝis komandanto de hungara armeo kontaŭ Gasparo Békés. En 1588 pro siaj meritoj soldataj ricevis rangon de barono. Ĉirkaŭ 1590 li geedziĝis kun la vidvino de András Mágóchy, Judito Bekényi kaj tiel havigis al si grandbienojn, interalie ankaŭ Munkács. En oktobro 1604 li aliĝis al Stefano Bocskai kaj en septembro 1605 je ties komisio iĝis plenpotenca gubernatoro kaj generalo de Transilvanujo. La 8-an de februaro 1607 oni elektis lin reganto. La 5-an de marto 1608 li abdikis.

Antaŭe:	Princo de Transilvanio	Poste:
Stefano Bocskai	1607–1608	Gabrielo Báthori

Bibliografio

• Szilágyi Sándor: A R.-ak kora Erdélyben (Pest, 1868).

Fonto

• Magyar Életrajzi Lexikon