Polaba lingvo

Etendo de la polaba antaŭ formorti kaj de aliaj du minoritataj okcidentslavaj lingvoj.

La polaba lingvo estas mortinta slava lingvo kiun parolis okcidentaj slavoj, kiuj ekde la 7-a jarcento setlis en la nordoriento de la teritorio kie nuntempe estas Germanio kaj en la nordokcidento de la nuna Pollando el la rivero Elbo ĝis la marenfluo de la rivero Vistulo. Ekde la 12-a jarcento la lingvo iom post iom formortis: Sur la insulo Rügen ĝi malaperis en la 15-a jarcento, en iuj fiŝistaj vilaĝoj de Brandenburgio restis ĝis la 17-a jarcento kaj en la germania regiono Lüchow-Dannenberg (ĝis hodiaŭ germane nomata "Wendland", do "lando de venedoj" respektive "lando de okcidentslavoj") sude de Hamburgo la lasta parolantino formortis meze de la 18-a jarcento (en la dekstra mapo blue estas markita tiu regiono Lüchow-Dannenberg). Ĉirkaŭ 2800 da polabaj vortoj estas sciataj.