Félicien Menu de Ménil

karikatura bildkarto el ĉ. 1913

La franca barono Félicien MENU DE MÉNIL [mönü dö meni] naskiĝis la 16-an de julio 1860 en Boulogne-sur-Mer kaj mortis la 28-an de marto 1930 en Neuilly (apud Paris) estis konsulo kaj muzikisto.

Li esperantistiĝis en 1901, abunde skribis artikolojn en preskaŭ ĉiuj Esperanto-gazetoj, same kiel propagandajn tekstojn en franca lingvo, kaj fariĝis komitatano de Societo Franca por la Propagando de Esperanto. Krome li estis direktoro de Franca Esperantisto kaj France Esperantiste kaj ĉefredaktoro de La Revuo. Ekde 1919 Menu de Ménil membris en Lingva Komitato. Li estas precipe konata kiel „la muzikisto de Esperanto“. Li verkis multajn melodiojn kaj kantojn kaj ĉiuj esperantistoj konas lian muzikon de la himno La Espero, kiu kvankam ne la unua iom post iom oficialiĝis.

Krome li verkis:

L'Heritage Klodarec, unuakta prop. komedio, 1906

La mortigistoj de Stradella, rakonto, samjare en la septembra numero de La Revuo

Les préjugés contre l'E, 1908

Muzika terminaro, 1908

Eksteraj ligiloj

Senpagaj partituroj de Félicien Menu de Ménil en la International Music Score Library Project

Trovu « Félicien Menu de Ménil » inter la Vizaĝoj de homoj rilataj al la ideo «Internacia Lingvo»