Provinco Badaĥozo

Situo de la provinco Badaĥozo en Hispanio

Dosiero:Badajoz, Spain location.png

Situo de la ĉefurbo Badaĥozo en Hispanio

Badaĥozo (hispane Badajoz) estas provinco de Hispanio, apartenanta al la regiono de Ekstremaduro, kie okupas ties sudan parton. Ĝi situas sudokcidente de la Iberia Duoninsulo, landlime kun Portugalio.

Ĝi limas oriente kun la regiono de Kastilio-Manĉo, kun ties provincoj de Toledo kaj Reĝurbo. Sude ĝi limas kun la provincoj de Onubo kaj Sevilo kaj sudoriente kun tiu de Kordovo, ĉiuj en Andaluzio. Norde estas la samregiona provinco de Cáceres, kiu, kun tiu de Badaĥozo, formas la regionon de Ekstremaduro. Okcidente, troviĝas Portugalio. Per surfaco de 21.766 km², Badaĥozo estas la plej ampleksa provinco de Hispanio. La alia provinco de Ekstremaduro, Cáceres, estas la dua laŭ surfaco, per 19.868 km².

En la provinco Badaĥozo, troviĝas Merido, ĉefurbo de Ekstremaduro. Tamen la plej loĝata urbo estas Badaĥozo, urbo el kiu la provinco prenas nomon kaj kiu estas la ĉefurbo de la provinco.

Demografio

La provinco de Badaĥozo havas 678.459 loĝantoj (Instituto Nacional de Estadística de España 2007), kun denseco de loĝantaro de 31,17%, sube de la nacia averaĝo (89,57 loĝ/km²). 49,5% estas viroj kaj 50,5% resta virinoj.

Ĝi estas la 22a plej loĝata provinco de la lando, tuj post Gipusko (694.944) kaj antaŭ Jaén (664.742). Ĝi superas en preskaŭ 270.000 loĝantoj la samregionan Cáceres (411.531), la alia ekstremadura provinco.

21,4% de ties loĝantoj loĝas en la urbo de Badaĥozo, kiu, kun loĝantaro de 145.257 personoj, elstaras kiel la plej loĝata loko de la provinco kaj la regiono. La sekva urbo laŭ loĝantaro estas Mérida, kun 54.894 loĝantoj en 2007. Krome, aliaj sep superas la 10.000 loĝantojn.

Plej loĝataj municipoj

La provinco Badaĥozo havas totale 164 municipojn, pro kio ĝi posedas 2,02% de la municipoj de Hispanio (8.112). La dudek plej loĝataj estas la jenaj (Instituto Nacional de Estadística de España 2007):

Puerta de Palmas, unu de la plej konataj monumentoj de la urbo Badaĥozo, la ĉefurbo de la provinco.

La romia teatro de Mérida, la dua plej loĝata urbo de la provinco, post Badaĥozo.

1. Badaĥozo: 145.257 loĝantoj
2. Mérida: 54.894 loĝantoj
3. Don Benito: 34.540 loĝantoj
4. Almendralejo: 31.072 loĝantoj
5. Villanueva de la Serena: 25.318 loĝantoj
6. Zafra: 16.014 loĝantoj
7. Montijo: 15.711 loĝantoj
8. Villafranca de los Barros: 13.084 loĝantoj
9. Olivenza: 11.652 loĝantoj
10. Jerez de los Caballeros: 9.828 loĝantoj
11. Azuaga: 8.501 loĝantoj
12. Los Santos de Maimona: 8.087 loĝantoj
13. Guareña: 7.326 loĝantoj
14. Fuente del Maestre: 6.920 loĝantoj
15. Castuera: 6.675 loĝantoj
16. Calamonte: 6.095 loĝantoj
17. Llerena: 5.995 loĝantoj
18. San Vicente de Alcántara: 5.841 loĝantoj
19. Alburquerque: 5.805 loĝantoj
20. Oliva de la Frontera: 5.718 loĝantoj

Kelkaj municipoj ne havas eĉ 200 loĝantojn. Tia estas la kazo de Capilla (189 loĝantoj), Reina (189), Casas de Reina (173), Risco (167) kaj El Carrascalejo (77), la kvin malplej loĝataj de la provinco en 2007.

Distriktoj de Badaĥozo (komarkoj)

La nordo de la provinco trapasas la rivero Gvadiano kiu formas du naturajn distriktojn en sia valo dividitajn de la urbo Mérida, nome Vegas Bajas kaj Vegas Altas, en la centro kaj sudo estas du centraj ebenaj distriktoj nome Tierra de Barros dediĉita al agrikulturo kaj La Serena dediĉita al agrikulturo kaj ŝafobredado, en la sudo kaj supraj dekstra kaj maldekstra anguloj estas pli montaraj regionoj, nome sude Sierra Morena kaj Los Montes kaj Alburquerque, pli kompleta distribuo estas la jena:

• Campiña Sur
• La Serena
• La Siberia
• Llanos de Olivenza
• Sierra Suroeste
• Tentudía
• Tierra de Badajoz
• Tierra de Barros
• Vegas Bajas
• Vegas Altas
• Distrikto de Zafra

Vidu ankaŭ

• Blazono de la provinco de Badajoz
• Municipoj de la provinco de Badajoz
• Distriktoj de Ekstremaduro.

Eksteraj ligoj

• Oficial retejo de Badajoz