Helpo:Kategorio

Ekde iom da tempo, Vikipedio ebligas la kategoriigon de artikoloj. Por eviti ĥaoson, mi proponas la jenajn strukturon kaj regulojn por tiu tasko (mi orientiĝis laŭ la germana vikipedio, de:Wikipedia:Kategorien).

Mi petas pri diskutoj kaj proponoj, por ke ĉi-artikolo povas iĝi gvidilo por la kategoriigo de Vikipedio.

Schuetzm 18:33, 12. Aŭg 2004 (UTC)

---

Kiam uzi kategoriojn

Grupigu artikolojn en kategoriojn se tiaj kategorioj povas esti utilaj por legantoj de tiuj artikoloj. Ekzemplo:

Artikolo: Tokipono

Utila kategorio: [[Kategorio:Planlingvoj]]

Neutila kategorio: [[Kategorio:Lingvoj kiuj komenciĝas per la litero T]]

Por decidi, ĉu indas krei kategorion, faru la jenajn demandojn:

• Ĉu eblas priskribi tiun kategorion per kelkaj alineoj (aŭ pli) da teksto?
• Ĉu la rilato inter la temo de la artikolo kaj la temo de la kategorio estas klare menciita en la artikolo? T.e., se vi irus de la kategorio al la artikolo, ĉu estus memevidente, kial ĝi troviĝis tie?

Se la respondo al ajna el tiuj demandoj estas nea, tiam kategorio verŝajne ne estas taŭga rimedo.

Reguloj

• Oni ja rajtas meti artikolon en plurajn kategoriojn, sed
• Oni ĉiam uzu la plej specifa(j)n, ekz.: Karbono estu metata en Kategorio:Kemiaĵo, sed ne en Kategorio:Kemio, ĉar Kemiaĵo estas sub-kategorio de Kemio
• Bonvolu meti la Kategorio:...-ligilon ĉe la finon de la artikolo, sed antaŭ la interwiki-ligilojn. Tiel oni facile trovos ĝin.
• Artikoloj kun la sama nomo kiel kategorio estu metataj en tiun kategorion, t.e. Himenopteroj estu en Kategorio:Himenopteroj, ne en Kategorio:Insektoj. Plej bone, ili estu enmetataj jene: [[Kategorio:Himenopteroj| ]]. Tiel ili montriĝos kiel la unuaj artikoloj en la kategori-paĝo. (Bv. priatenti la spacon inter la '|' kaj la ']]'.)

Profesioj

Multaj kategorioj temas pri homoj de certa profesio, ekzemple .

Oni ne kreu kategoriojn, kiuj dividas iun profesion laŭsekse. Ekz-e ne kreu kategorion de aktorinoj. Tamen oni ja rajtas krei liston de aktorinoj.

Strukturo

Ĝeneralaj ideoj

• Multaj artikoloj temas pri personoj aŭ organizaĵoj/asocioj en ia kategorio. Tiuj estu metataj en [[Kategorio:Personoj (xxx)]] kaj [[Kategorio:Asocioj (xxx)]].
• Same, artikoloj pri la historio de iu scienco/arto ktp. estu en [[Kategorio:Historio de xxx]]. (Ĉu estus [[Kategorio:Historio (xxx)]] pli bone en tiuj kazoj?)

Matematiko, ne-biologiaj natursciencoj kaj tekniko

• Astronomio
• Kemio
• Tersciencoj
• Komputiko
• Elektroniko
• Matematiko
• Fiziko
• Tekniko
• Transportado kaj trafiko

Vivsciencoj

• Biologio
  • Biologoj
  • Asocioj (Biologio)
  • Historio de Biologio
  • Taksonomio
  • Vivaĵoj (laŭ Biologia klasado)
    • Plantoj
    • Fungoj
    • Animaloj
• Sansciencoj
  • Medicino
  • Farmacio
• Medisciencoj

Geografio

• Geografio
  • Landoj
    • Afriko
    • Ameriko
    • Eŭropo
      • Ĉeĥio
        • Urboj de Ĉeĥio
        • Vilaĝoj de Ĉeĥio
        • Nature ĉi-tiu povas ankaŭ enhavi aliajn subkategoriojn pri la specifa lando, ekz. pri la svisaj kantonoj, usonaj ŝtatoj ktp. Ĉu tiuj estu en la kategorio mem aŭ en propra subkategorio, oni decidu en ĉiu kazo laŭ neceso.

Historio

• Historio
  • Mitologio
  • Antikvo
  • ktp.
• Arkeologio

Turismo

• Turismo

Socio

• Etnologio
• Psikologio
• Pedagogiko
• Sociologio
• Politiko
• Juro
• Ekonomiko

Armeaferoj

• Bataloj
• Militoj
• Fortikaĵoj
• Intermilitaj fortikaĵoj
• Soldatoj

Religio kaj Filozofio

• Religio
• Filozofio
• Esoteriko

Lingvo

• Slava lingvaro

Arto

• Arĥitekturo
• Danco
• Filmo kaj Televido
• Fotografado
• Kaligrafio
• Komputila arto
• Muziko
• Teatro

Literaturo

• Literaturo
• Gazetoj
  • Gazetoj lande ordigitaj:
    • Belgaj gazetoj
    • Brazilaj gazetoj
    • ktp
    • Internaciaj gazetoj
  • Gazetoj fake ordigitaj:
    • Fervojistaj gazetoj
    • ktp
  • Gazetoj lingve ordigitaj:
    • Esperanto-gazetoj
    • Franclingvaj gazetoj
    • ktp
  • Gazetspecoj:

Sporto kaj Ludoj

• Sporto
• Libera tempo kaj Ludoj
• Manĝi kaj trinki

Biografio

• Personoj
• Aktoroj
• Diktatoroj
  • ...

Vidu ankaŭ: Vikipedio:Laŭalfabetigo