Eŭropa Komisiono

La Eŭropa Komisiono estas la motoro de la funkciado de la eŭropuniaj institucioj. Ĝi reprezentas kaj defendas la ĝeneralan intereson de la Unio. La sidejo de la Eŭropa Komisiono situas en Bruselo, Belgio, kie la komisionanoj situas en la kostruaĵo Berlaymont kaj kie troviĝas plejparto de la Ĝeneralaj Direkcioj de la Komisiono.

Politikaj principoj

La Komisiono estas la motoro de la institucia komunuma sistemo:

• Kiel posedanto de la rajto de leĝfara iniciato, ĝi proponas la tekstojn de leĝo, kiuj estas submetitaj al la Eŭropa Parlamento kaj al la Ministrara Konsilio.
• Kiel plenuma instanco, ĝi efektivigas la plenumon de la eŭropaj leĝoj (direktivoj, reglamentoj, decidoj), de la buĝeto kaj de la programoj alprenitaj de la Parlamento kaj de la Konsilio.
• Kiel gardanto de la eŭropuniaj traktatoj, ĝi priatentas la observon de la komunuma juro, kune kun la Justica Kortumo de Eŭropaj Komunumoj.
• Kiel reprezentanto de la Unio sur la internacia scenejo, ĝi negocas la internaciajn interkonsentojn, esence pri komerco kaj kunlaboro. Atentinde, ke ĝi negocas, dum subskribas nur la Konsilio.

Kolegio de komisionanoj

Pli detalaj informoj troveblas en artikolo Komisiono Barroso (2009–2014).

La prezidanto kaj la membroj de la Komisiono (la "komisionanoj") estas nomumitaj de la membroŝtatoj post aprobo de la Eŭropa Parlamento.

La nuna prezidanto de la Komisiono estas José Manuel Durão Barroso, kiu prezidas komisionon konsistantan el 27 komisionanoj.

Ĝeneralaj Direkcioj

Agado de la Komisiono estas dividita laŭ kampoj en plurajn departementojn, similajn al ministerioj en landaj registaroj. Ili nomiĝas Ĝeneralaj Direkcioj (angle Directorate-General, france Direction générale) kaj estas dividitaj en kvar grupojn: Politikaj ĜD-j, Eksterrilataj ĜD-j, Ĝeneralservaj ĜD-j kaj Internservaj ĜD-j. En interna komunikado oni referencas al la ĜD-j per iliaj mallongigoj listigitaj ĉi-suba listo, kiu pro la kompleksa organiza strukturo de la servoj de la Komisono ne pretendas esti preciza nek kompleta:

Ĝeneralaj Direkcioj
ĜD	Mallongigo	Grupo
Agrikulturo kaj Kampara Evoluo	AGRI	politika
Buĝeto	BUDG	interna
Klimata Ago	CLIMA	politika
Komunikado	COMM	ĝenerala
Konkurenco	COMP	politika
Ekonomiaj kaj Financaj Aferoj	ECFIN	politika
Edukado kaj Kulturo	EAC	politika
Laboro, Sociaj Aferoj kaj Inkludo	EMPL	politika
Energio	ENER	politika
Plilarĝigo	ELARG	ekstera
Entrepreno kaj Industrio	ENTR	politika
Medio	ENV	politika
EŭropHelpo Evoluo kaj Kunlaboro	DEVCO	ekstera
Eurostat	ESTAT	ĝenerala
Servo de Eksterpolitikaj Instrumentoj	EEAS	ekstera
Sano kaj Konsumantoj	SANCO	politika
Internaj Aferoj	HOME	politika
Humana Helpo kaj Civila Protekto	ECHO	ekstera
Homaj Rimedoj kaj Sekureco	HR	interna
Informadiko	DIGIT	interna
Informsocio kaj Amaskomunikiloj	INFSO	politika
Interna Merkato kaj Servoj	MARKT	politika
Interpretado	SCIC	interna
Komuna Esplorcentro	JRC	politika
Justeco	JUST	politika
Maraj Aferoj kaj Fiŝkaptado	MARE	politika
Moviĝemo kaj Transporto	MOVE	politika
Regiona Politiko	REGIO	politika
Esplorado kaj Novigo	RTD	politika
Ĝenerala Sekretario	SG	ĝenerala
Impostado kaj Dogana Unio	TAXUD	politika
Komerco	TRADE	ekstera
Tradukado	DGT	interna

Ceteraĵoj

Ekzistas projekto de la EK pri diĝita biblioteko.