Frigyes Karinthy

KARINTHY Frigyes [karinti] (naskiĝis la 25-an de junio 1887 en Budapeŝto; mortis la 29-an de aŭgusto 1938 en Siófok) estis eminenta hungara verkisto, ĵurnalisto kaj tradukisto. Li verkis poemojn, eseojn, teatraĵojn, novelojn kaj romanojn – plejparte kun humura/satira enhavo.

Li verkis spritajn, valorajn artikolojn pri Esperanto, eĉ estis prezidanto de la Hungara Esperanto-Societo de 1932, kaj partoprenis ĉe kelkaj Esperanto-kongresoj, kvankam li ne parolis Esperante.

Famaj verkoj

• Esik a hó ("Neĝas", 1912, noveloj)
• Így írtok ti ("Jen kiel vi aliaj verkas", 1911: li parodie imitas stilon de gravaj verkistoj de la hungara literaturo kaj de la mondliteraturo)
• Utazás Faremidóba ("Vojaĝo al Faremido", 1915, "la sesa vojaĝo de Gulivero", romano)
• Tanár úr, kérem ("Sinjoro instruisto, bonvolu", 1916: humurplenaj rakontoj pri lerneja vivo, pri adoleskantoj)
• A bűvös szék ("Magia seĝo", 1918, teatraĵo)
• Capillária ("Kapilario", 1921, "la sesa vojaĝo de Gulivero", romano)
• Nem mondhatom el senkinek ("Mi povas diri ĝin al neniu", 1930, poemoj)
• Mennyei riport ("Ĉiela intervjuo", 1937, satiro)
• Utazás a koponyám körül ("Vojaĝo ĉirkaŭ mia kranio", 1937, dokumentromano)
• Üzenet a palackban ("Mesaĝo en la botelo", 1938, poemoj)

En Esperanto aperis

Kovrilpaĝo de Vojaĝo al Faremido; 1980; Hungara Esperanto-Asocio

• Morgaŭ Matene, dramo, tradukis Kálmán Kalocsay. - Budapest: Hungara Esperanto-Instituto, 1923. - 142 paĝoj.
• Norda vento, novelkolekto, tradukis Károly Bodó. - Berlin: Mosse, Esperanto-Fako, 1926. - 95 paĝoj.
• Vojaĝo en Faremidon. Du ŝipoj, noveloj, tradukis Lajos Tárkony. - Budapest: Literatura Mondo, 1934. - 83 paĝoj.
• Vojaĝo al Faremido. Kapilario, tradukis Lajos Tárkony. - Budapest: Hungara Esperanto-Asocio, 1980. - 181 paĝoj. ISBN 963-571-045-3
• La poeto. Renkontiĝo kun junulo. La cirko, tradukis Kalocsay Kálmán, Vilmos Benczik, Sárközi János. - En: Hungara antologio, paĝoj 212 – 218.
• Pliaj rete legeblaj verkoj