Boletín

Boletín (hispanlingve Bulteno) estas la organo de Hispana Esperanto-Federacio. Malgraŭ ĝia nomo hispanlingva la tekstoj estas preskaŭ nur en Esperanto.

Ĝia unua numero aperis en januaro 1949, kaj ĝia unua plurjara redaktoro estis Luis Hernández Lahuerta. De 1989 ĝis 1997 ĝin redaktis Antonio Marco Botella kaj post tiu jaro Liven Dek ĝis 2005. De 2005 ĝis 2006 redaktis ĝin Manuel Pancorbo, de 2006 ĝis 2008 Jorge Pavón, de 2008 ĝis 2010, Ángel Arquillos. Nuntempe la redaktoro estas Juanjo Vera.

La revuo havas 32 longajn paĝojn en malgranda formato nigre-blanka kaj eldonata 4-foje jare. La enhavo rilatas ĉefe al la hispana Esperanto-movado, sed ankaŭ informas pri la tutmonda ĝenerale. Alia ofta temo estas historia esploro pri la hispana movado kaj ĝiaj pioniroj.

Eksteraj ligiloj

• Preskaŭ kompleta kolekto en la Bitoteko de HEF: http://bitoteko.esperanto.es:8080/jspui/handle/123456789/52
• En lernu.net: http://eo.lernu.net/biblioteko/gazetoj/boletin.php