Montaraj herbejoj kaj arbustaroj

Biomoj
Tersupraĵaj biomoj
	Tundro
	Tajgo
	Montaraj herbejoj kaj arbustaroj
	Mezvarmaj koniferarbaroj
	Tropikaj kaj subtropikaj koniferarbaroj
	Mezvarmaj foliaj kaj miksaj arbaroj
	Mediteraneaj arbaroj, duonarbaroj kaj arbustaroj
	Tropikaj kaj subtropikaj humidaj foliarbaroj
	Tropikaj kaj subtropikaj sekaj foliarbaroj
	Mezvarmaj herbejoj, savanoj kaj arbedaroj
	Tropikaj kaj subtropikaj herbejoj, savanoj kaj arbedaroj
	Dezertoj kaj kserofitaroj
	Inunditaj herbejoj kaj savanoj
	Ĉeriveraj areoj
	Malsekejo
Akvaj biomoj
	Lageto
	Marbordo
	Mangrovo
	Algarbaroj
	Koralrifoj
	Neritika zono
	Kontinenta plataĵo
	Pelaga zono
	Benta zono
	Varmaj fontoj
	Malvarmaj submarfontoj
Aliaj biomoj
	Enroka biomo

Montaraj herbejoj kaj arbustaroj estas biomo difinita far la Monda Natur-Fonduso (WWF). La biomo inkluzivas alt-altitudajn (montarajn, subaltmontarajn, kaj altmontarajn) herbejojn kaj arbustarojn tra la mondo.

Montaraj herbejoj kaj arbustaroj situante super la arbolimo kutime estas konataj kiel alt-montaraj tundroj, kaj troviĝas en montaraj regionoj tra la mondo. Kriplaj subaltmontaraj arbaroj estas konataj kiel kriplarbaroj, kaj troviĝas ĵus sub la arbolimo, kie malmildaj, ventaj cirkonstancoj kaj malriĉaj grundoj kreas nanajn kaj tordigitajn arbarojn de malrapide kreskantaj arboj.

Montaraj herbejoj kaj arbustaroj, precipe en subtropikaj kaj tropikaj regionoj, ofte disvolviĝis kiel virtualaj insuloj, disigitaj de aliaj montaraj regionoj per pli varmaj, malpli altaj regionoj, kaj multfoje gastigas multajn diferencajn endemiajn plantojn kiuj disvolviĝis reagante sur malvarma, humida klimato kaj abunda sunlumo. Karakterizaj plantoj de tiuj vivmedioj prezentas adaptiĝojn kiel rozetajn strukturojn, vaksajn supraĵojn, kaj foliojn kun multaj triĥomoj ( plantharoj ).

Unika karakterizo de multaj humidaj tropikaj montaraj regionoj estas la ĉeesto de gigant-rozetaj plantoj por varieco de plantofamiloj, kiel lobelio (Lobelia) (afrotropiko), Puya (neotropiko), Cyathea (Novgvineo), kaj Argyroxiphium (Havajo).

Humida paramo, naturrezervejo Cayambe Coca, Napo, Ekvadoro.

La plej vastaj Montaraj herbejoj kaj arbustaroj konstituas la neotropikajn paramojn de la Andoj. Tiu ĉi tipo de biomo ankaŭ troviĝas en la montaroj de orienta kaj sudorienta Afriko, Monto Kinabalu en Borneo, la plej altaj altitudoj de Okcidentaj Ghatoj en suda Hindujo kaj en la Centraj Altaĵaroj de Novgvineo.

Kie la cirkonstancoj estas pli sekaj, oni trovas montarajn herbejojn, savanojn, kaj duonarbarojn, kiel Etiopajn Altaĵojn, kaj montarajn stepojn, kiel la stepojn de Tibeta Altebenaĵo.

Ekoregionoj el la Montaraj herbejoj kaj arbustaroj

• Alt-atlasa junipera stepo (Maroko)
• Centr-andaj paramoj (Ekvadoro, Peruo)
• Drakensbergaj montaraj herbejoj, duonarbaroj kaj arbaroj (Sud-Afriko, Lesoto, Svazilando)
• Etiopaj montaraj arbustetaroj
• Jos-altebenaĵa arbara-herbeja mozaiko (Niĝerio)
• Nordokcident-himalajaj altmontaraj arbustaroj kaj herbejoj (Afganujo, Barato, Ĉinujo, Pakistano)
• Paramo de Merida Montaro (Venezuelo)
• Paramo de Nordaj Andoj (Kolombio, Ekvadoro)
• Paramo de Santa Marta (Kolombio)
• Paramo de Talamanca (Kostariko, Panamo)

Eksteraj ligiloj

• angle Listo de tutmondaj 200-unuoj pri la biomo "montaraj herbejoj kaj arbustaroj".
• angle Listo de ekoregionoj en la "montaraj herbejoj kaj arbustaroj".