Provinco Kacereso

Situo de la provinco Kacereso en Hispanio

Kacereso (hispane: Cáceres estas provinco de Hispanio, en la norda parto de la regiono de Ekstremaduro, dum ties sudan parton okupas la Provinco de Badajoz. Ĝi limas kun la provincoj de Salamanca kaj Ávila norde, Toledo nordoriente, Badajoz sude kaj kun Portugalio okcidente.

La ĉefurbo estas la urbo Cáceres.

La provinco Kacereso havas populacion de 412.899 loĝantoj (laŭ la Instituto Nacional de Estadística de España 2006), el kiuj 21,8% loĝas en la ĉefurbo.

Ekonomie temas pri agrikultura regiono (kun brutobredado), sed lastatempe turismo estas gravega enspezofonto en la historiaj urboj Cáceres, Trujillo kaj Plasencia kaj en la belaj komarkoj de la nordo kaj sudoriento de la provinco.

Geografie la provinco enhavas diversajn pejzaĝojn nome sude ebenaĵo inter Trujillo kaj Cáceres, pli norde la valo de la rivero Taĵo kaj plej norde la montaraj komarkoj; ankaŭ sudoriente estas montara komarko Villuercas. Okcidente la strio lima kun Portugalio estis izolita de tiaj kontaktoj, kiam ne rekte en milita situacio, dum nuntempe tiu proksimeco estas helpo por ambaŭflankaj kultura kaj ekonomia situacioj: oni konstruis ŝoseojn kaj pontojn kie iam ne ekzistis. La nordorientaj zonoj profitas la proksimecon de urbo Madrido de kie venas multaj turistoj kaj vizitantoj.

Administraj distriktoj aŭ komarkoj de la provinco Kacereso

• Valo de Alagón
• Tierra de Alcántara
• Valo de Ambroz
• Campo Arañuelo
• Llanos de Cáceres
• Sierra de Gata
• Tierras de Granadilla
• Hurdes
• Ibores
• Valo de Jerte
• Sierra de Montánchez
• Tierra de Trujillo
• Distrikto de Valencia de Alcántara
• La Vera
• Villuercas

Urboj de la provinco

Plej loĝataj urboj
Pozicio	Urbo	Loĝantaro
1-a	Cáceres	90.218
2-a	Plasencia	39.785
3-a	Navalmoral de la Mata	17.099
4-a	Coria	12.767
5-a	Miajadas	10.241
6-a	Trujillo	9.860
7-a	Talayuela	9.282
8-a	Moraleja	7.983
9-a	Jaraíz de la Vera	6.464
10-a	Arroyo de la Luz	6.461

Vidu ankaŭ

• Municipoj de la provinco Kacereso

Eksteraj ligiloj

• Cáceres Turismo