Akademio de Sciencoj

Akademio de Sciencoj estas asocio de homoj kleraj pri sciencoj kaj institucio subtenanta sciencan esploron: Baza ideo estas grupigi anojn de diversaj branĉoj de sciencoj kaj vigligi la interŝanĝon de ideoj kaj spertoj inter ili. Ekzistas internaciaj, naciaj kaj regionaj respektive urbaj Akademioj de Sciencoj. Krom Akademioj de Sciencoj ankaŭ ekzistas Akademioj de Arto, kiuj - kiel montras la nomo - dediĉas sin al la subteno de diversspecaj studoj de arto.

Signifo

En la fokuso de la ofte tradiciaj akademioj estas la grupigo de altrangaj kleruloj, kiuj regule kunvenas por scienca interŝanĝo de informoj kaj ideoj. La vorto akademio devenas de la Akademio de Platono en Ateno, kiun kunvokis la filozofo Platono kaj kiu iĝis la modelo por postaj interfakaj sciencaj diskutejoj. Honore al la helena heroo Akademo, kiu laŭ helena legendo estas entombigita en olivarbaro aĉetita de Platono, la filozofo nomis la kunvenejon "akademio". Akademioj de Sciencoj estas aŭ privataj aŭ ŝtataj institucioj. Ili diferencas de universitatoj per tio, ke ili ne science instruas.

la Internacia Akademio de Sciencoj kun sidejo en Munkeno, Germanio

La plej renoma interŝtata akademio estas la Internacia Akademio de Sciencoj kun sidejo en Munkeno, Germanio.

Diversaj akademioj

Artikoloj en la esperantlingva vikipedio ĝis nun ekzistas inter alie pri la sekvaj naciaj Akademioj de Sciencoj:

 Brazilo:

• Brazila Beletristika Akademio

 Britio:

• Reĝa Societo de Londono

 Francio:

• Akademio de Sciencoj de Francio

 Hungario:

• Hungara Scienca Akademio

 Litovio:

• Litovia Akademio de Sciencoj

 Rumanio:

• Rumana Akademio

 Rusio:

• Rusia Akademio de Sciencoj

 Sovetunio:

• Akademio pri Sciencoj de Sovetunio

  Svislando:

• Akademioj de sciencoj Svisujo
• Akademio de natursciencoj Svisujo

Vatikano

• Papa Akademio de la Sciencoj