Grio

Tritikgrio

Diversfajna avengrio, malsupre avengrenoj

Grio estas aro de grenoj, senigitaj de la ŝelo kaj maldelikate pistitaj.

Grio estas preparita same kiel faruno, nur la regulado de la muelilo malsamas. La delikate muelita parto de la grenoj estas poste elkribita kaj uzata kiel faruno. Male al ŝroto ĝi konsistas el pli-malpli samgrandaj eroj, ĉar oni plumuelas la pli grandajn kaj forkribras la pli malgrandajn.

Cerealoj

Grio estas faritaj el diversaj cerealoj, sed ĉefe el tritiko. Por tiu plej ofta variaĵo de fajna tritika grio ekzistas aparta vorto semolo (vidu tie ankaŭ por interligoj al aliaj lingvoj, kiuj ne faras tian distingon).

Aliaj cerealoj uzataj estasaveno, hordeo, milio aŭ fagopiro (vidu artikolon Fagopira grio), el kiuj oni preparas ĉefe dolĉajn griaĵojn.

El maizo oni preparas grion por polento.

Uzo

Grio utilas por prepari ne nur griaĵon, sed ankaŭ kukojn aŭ bulojn.

Manĝaĵoj por beboj estas ofte preparitaj baze de grio.

Grio servas ankaŭ por prepari salatojn.

Vidu ankaŭ

• Bulguro
• Faruno
• Krentjebrij
• Polento
• Semolo
• Ŝroto
• Tabuleo