Clara Schumann

Clara Schumann
Persona informo
Naskonomo	Clara Josephine Wieck
Naskiĝo	13-an de septembro 1819 (1819-09-13) en Leipzig, Reĝlando Saksio
Morto	20-an de majo 1896 (1896-05-20) (76-jaraĝa) en Frankfurto ĉe Majno, Reĝlando Prusio,  Germana Imperiestra Regno
Mortokialo	apopleksio
Tombo	Alter Friedhof Bonn
Lingvoj	germana
Loĝloko	Leipzig
Ŝtataneco	Reĝlando Saksio
Subskribo
Familio
Patro	Friedrich Wieck
Patrino	Mariane Bargiel
Frat(in)oj	Marie Wieck • Woldemar Bargiel • Alwin Wieck • Gustav Wieck
Edz(in)o	Robert Schumann
Infanoj	Eugenie Schumann • Felix Schumann • Julie Schumann • Marie Schumann • Ferdinand Schumann • Elise Schumann • Emil Schumann • Ludwig Schumann
Okupo
Okupo	pianisto • komponisto • muzikinstruisto
Verkoj	Piano Concerto No. 1 Piano Trio

Clara SCHUMANN [klara ŝuman], origine: Clara Josephine WIECK [vik] (naskiĝis la 13-an de septembro 1819, mortis la 20-an de majo 1896) estis germana pianistino kaj komponistino. Ŝi estis la edzino de Robert Schumann.

Clara Schumann naskiĝis en Lepsiko. Ŝia patro, la pianoinstruisto Friedrich Wieck, donis al ŝi ekde ŝia kvina vivojara striktajn pianolecionojn, krome li instruis al ŝi komponi. Kvankam ŝi en la jaro 1830 (kiel 11-jarulino) publikigis sian unuan komponaĵon (opus 1), ŝi poste ĉefe koncentriĝis al la pianludo, dononte koncertojn en tuta Eŭropo.

Kun Robert Schumann ŝi konatiĝis, kiam li kiel lernanto de ŝia patro venis al Lepsiko. Kontraŭ la volo de ŝia patro ili geedziĝis en la jaro 1840. Ekde tiam ŝi ĉefe subtenis la karieron de sia edzo kaj esence kontribuis al ties sukceso. La paro havis ok gefilojn.

Clara Schumann mortis en Frankfurto ĉe Majno, 40 jarojn post sia edzo.