Kataban

la regnoj de la suda Araba Duoninsulo ĉirkaŭ la jaro 100 antaŭ nia erao: La regna teritorio de Kataban estas kolorigita verde

Kataban (arabe مملكة قتبان, latinliterigata foje ankaŭ Qataban) estis antikva regno en la teritorio de la nuna ŝtato Jemeno. Ĝia centro estis en la valo Bajhan. Kiel iuj aliaj regnoj de la suda Araba Duoninsulo ĝi gajnis grandan riĉecon de la komerco de olibano kaj mirho, incensoj kiuj estas bruligataj ĉe altaroj. La ĉefurbo de Kataban estis nomita Timna kaj situis sur la komerca vojo kiu trapasis la aliajn reĝlandojn Hadramaut, Ŝeba kaj Ma'in. La ĉefa diaĵo de la katabananoj estis Amm, aŭ "onklo" kaj la popolo nomis sin la "infanoj de Amm".

Ĝi estis la plej elstara jemena regno en la dua duono de la unua jarmilo antaŭ nia erao, kiam ĝia reganto tenis la titolon de hegamonianto de Suda Arabio, Mukarrib (arabe مكرب, "unuiganto").

Bibliografio

Bronza leono kun rajdanto farita per la katabananoj ĉirkaŭ 75-50 antaŭ nia erao

la reĝlando Kataban (helblue) nelonge antaŭ ĝia falo en la 2-a jarcento - inter Himjaro okcidente, Ŝeba norde kaj Hadramaut oriente

• Alessandro de Maigret: Arabia Felix, origine itale Milano, eldonejo Rusconi, 1996, angla traduko de Rebecca Thompson, Londono, eldonejo Stacey International, 2002. ISBN 1-900988-07-0 (itale respektive angle)
• Andrej Korotajev: Ancient Yemen (Antikva Jemeno). Oksfordo: eldonejo Oxford University Press, 1995. ISBN 0-19-922237-1. (angle)
• Andrej Korotajev: Социальная история Йемена (socia historio de Jemeno). Moskvo, eldonejo КомКнига (KomKniga), 2006. (ruse)
• Andrej Korotajev: Pre-Islamic Yemen (Antaŭ-islama Jemeno). Wiesbaden: eldonejo Harrassowitz, 1996. ISBN 3-447-03679-6.
• Andrej Korotajev: Socio-Political Conflict in the Qatabanian Kingdom? (Ĉu soci-politika konflikto en la katabana regno?) Proceedings of the Seminar for Arabian Studies 27 (1997): 141-158.