Distrikto Osnabrück

blazono	mapo
Bazaj datumoj
Federacia Lando:	Malsupra Saksio
Administra urbo:	Osnabrück
Areo:	2.121 km²
enloĝantoj:	359.000 (fine de 2005)
enloĝantoj po km²:	169
aŭtokodo:	OS
Komunumoj:	34

La subdistrikto Osnabrück (germane Landkreis Osnabrück) situas en la federacia lando Malsupra Saksio, en la nordokcidento de Germanio. Administra centro estas la samnoma urbo Osnabrück, kiu mem tamen ne apartenas al la subdistrikto, sed estas administre sendependa urbo.

La subdistrikto havas areon de 2.121 km² - per tio ĝi proksimume samgrandas kiom la pli suda federacia lando Sarlando. Fine de la jaro 2005 ĝi havis 359.000 enloĝantojn.

Inter la komunumoj de la subdistriktoj troviĝas kvar kuraclokoj - Bad Essen (kun 15.779 enloĝantoj laŭ stato fine de 2005), Bad Iburg (11.652), Bad Laer (9.193) kaj Bad Rothenfelde (7.251).

Krome aparte gravas la urboj Wallenhorst (24.157) tuj norde de Osnabrück, Georgsmarienhütte tuj sude (32.554, ofte mallongigite GM-Hütte), Melle (46.494) 25 kilometrojn oriente, Bramsche (30.916) 20 kilometrojn kaj Quakenbrück (12.796) 55 kilometrojn norde de la administra centro.

Reta ligilo

• oficiala retaj paĝoj de la subdistrikto, germanlingvaj

Hedero ĉe arboj (i.a. aceroj) en la parko de kastelo Ippenburg, Bad Essen