Jakob Spiegel
| Jakobus Spiegelius (1483-1547) | ||
|---|---|---|
 Lexikons iuris civili (1549)
| ||
| Persona informo | ||
| Naskiĝo | 1483 en Schlettstadt (hodiaŭ  Francio)
| |
| Morto | 30-a de junio 1547 en Schlettstadt (hodiaŭ Francio)
| |
| Lingvoj | germana vd | |
| Alma mater | Universitato de Vieno | |
| Profesio | ||
| Okupo | universitata instruisto vd | |
| vd | Fonto: Vikidatumoj | |
Jakobo Spigelo (naskiĝis en Schlettstadt, 1483 - mortis en Schlettstadt, en la 30-a de junio 1547) estis aŭstra juristo, humanisto kaj imperia konsilisto.
Biografio[redakti | redakti fonton]
Lia patro estis panisto kaj lia patrino nomiĝis Magda Wimpfeling, do, Jakob Spiegel estis nevo de la humanisto Jakob Wimpfeling. En 1511 li edziĝis al Klara Drack el Colmar. Kiam ŝi mortis, en 1542, li provis konkeri la vidvinon Anna Bruna, sed la humanisto kaj filologo Beatus Rhenanus havis ŝian preferon. Li instruis en la Latina Lernejo de sia naskiĝurbo. Post la morto de lia patro li vivis kun sia onklo kaj vizitadis la Katedralon de Speyer. Ekde 1496, li studis en la Universitato de Hajdelbergo kaj partoprenadis en la cirklo da humanistoj kie li konatiĝis kun Johano Reuchlin. Kontraŭante la volon de Wimpfeling, li studis Juron en la Universitato de Frajburgo.
En 1506, li fariĝis sekretario de la episkopo de Triesto kaj pli malfrue li eniris serve de la kanceliereco de la imperiestro Maksimiliano la 1-a, kiu vane provis, en 1508, akiri prebendon por li kaj lia duonfrato Johann Meyer en la kapitulo de la Katedralo de Strasburgo. Inter 1511 kaj 1512 li enprofundiĝis siajn konojn pri Juro en la Universitato de Tübingen., kie li diplomiĝis kiel Legum Licentiatus aŭ Licencio pri Civila Juro[1].
En 1513, li fariĝis imperia konsilisto kaj en tiu sama jaro li translokiĝis al Vieno serve de la imperiestro. La ŝtataj aferoj kaj oftaj forestoj el Vieno lin devigis preterlasi la servojn de la katedralo. En tiu tempo li ĝuis socian kunvivadon kun la humanistoj en la regiono de la Danubo kaj en la universitato. Kiam li vojaĝis kun la delegitaro de la Imperiestro, li establis multenombrajn kontaktojn kun aliaj figuroj el la cirklo de la humanistoj, krom lia ampleksa interŝanĝo da leteroj kun amaso da humanismaj homoj siaepoke.
En 1519, post la morto de la imperiestro, li troviĝis senlabore kaj revenis al sia naskiĝurbo Schlettstadt. Li okupis sin kiel verkisto kaj implikiĝis en la disputoj de la humanisma rondo fondita de Wimpfeling. En tiu periodo li ekfaris la preparajn laborojn por lia ĉefverko.
En 1520, li eniris en la kancelierecon de la imperiestro Karlo la 5-a, kiel imperia konsilisto kaj sekretario de la aŭstria kanceliereco. En 1521, li envolviĝis en la Dieto de Worms kaj estis kontraŭulo de Lutero, kondiĉo kiun li reasertis pere de siaj rekomendoj al la papa legato. Dank'al al propeto de Erasmo de Roterdamo li laboris serve de la reĝo Ferdinando la 1-a en 1522. Post la Dieto de Speyer, en 1526, kaj la renverso de la kanceliero Gabriel von Salamanca-Ortenburg (1489-1539), Spiegel ankaŭ lasis sian postenon, kiu estis okupita de sia duonfrato Johann Meyer Spiegel. En 1526 li akiris la titolon kiel Doktoro pri Juro, veŝajne dank'al papa interveno. Dum iom da tempo li aktivis kiel ambasadoro de la alzaca Dekapolo.
Verkoj[redakti | redakti fonton]
- Gravamina Germanicae Nationis cum remedijs & auisamentis ad Caesaream Maiestatem.[Hrsg.v. Jakob Wimpheling] 1519
- Joannis Reuchlin Phorcensis scaenica progymnasmata, hoc es ludicra ..., Johannes Reuchlin - 1512
- De Immanitate, Giovanni Pontano - 1519
- In Hymnvm Aviae Christi Annae dictum ab Erasmo Roterodamo Scholia Iacobi ... - 1519
- Divo Maximiliano Iubente Pragmaticae sanctionis Medulla excerpta, Jakob Wimpfeling - 1520
- Epigrammata Ioannis Sapidi, Selestadii bonas literas ac linguam utramque ..., Johannes Sapidus - 1520
- Iacobi Spiegelii Ivrisconsvlti, Regii Consiliarij, de scribendi modestia, ad ... - 1540
- Lexicon juris civilis - 1549
Literaturo[redakti | redakti fonton]
- CERL Thesaurus
- Europeana
- richardwolf
- IdRef
- Personensuche
- WorldCat Identities
- Allgemeine Deutsche Biographie
- Melchior Adam Arkivigite je 2013-04-05 per la retarkivo Wayback Machine
- Bibliothèque Nationale de France
- Tarlton Law Library Arkivigite je 2014-03-08 per la retarkivo Wayback Machine
- The Correspondence of Erasmus: Letters 842 to 992, 1518 to 1519 Desiderius Erasmus
Vidu ankaŭ[redakti | redakti fonton]
- Johann Reuchlin (1455-1522)
- Conrad Celtis (1459-1508)
- Ulrich von Hutten (1488-1423)
- Johannes Schott (1477-1550)
- Wilhelm von Hohnstein (1470-1541)[2]
- Jakob Spiegel (1580-1642)[3]
- Beatus Rhenanus (1485-1547)
