Jalta municipo

Jalta municipo
ruse Ялтинский горсовет ukraine Ялтинська міськрада krime-tatare Yalta şeer şurası
municipo • magistrato • administra unuo en Krimeo
La centro:	Jalto
Areo:	283 km2
Loĝantaro:	139 584 homoj (laŭ la jaro 2001)
Loĝ-denso:	284,64 hom/km2
Telefon-kodo:	+380-654 (vidu noton malsupre)
En la municipo estas: — Urboj — Urbotipaj loĝlokoj — Vilaĝoj — Loĝloketoj	2 21 1 8
Oficiala paĝaro nekonata
La loĝloko Nikito havas apartan telefon-kodon +380-6560

Jalta municipo (ruse Ялтинский горсовет, ukraine Ялтинська міськрада, krime-tatare Yalta şeer şurası) — administra parto

de Aŭtonoma Respubliko Krimeo, situanta sur la Suda Bordo de Krimeo, ege fama ripoz- kaj kurac-loko kun unika naturo kaj multaj vidindaĵoj. La regiono estas ofte nomata ankaŭ "Granda Jalto".

Geografia situo

Okcidente la Jalta municipo limas la Sebastopolan municipon, norde - la Baĥĉisarajan kaj oriente - la Aluŝtan municipojn. Sude ĝi limas la Nigran maron. Laŭ la formo la teritorio de la Jalta municipo similas mallarĝan strion, kiun limas la Nigra maro sude kaj la ĉefa montoĉeno de la Krimea montaro norde. La larĝo de la teritorio - de 1-1,5 km en la okcidenta parto ĝis 4-6 km en la orienta parto. La longo de la ter-strio - ĉ. 56 km. La plej okcidenta punkto de la regiono - la kabo Sariĉ (kiu estas samtempe la plej suda punkto de la Krimea duoninsulo kaj de tuta Ukrainio); la plej orienta punkto - la monto Ajudago.

Administracia divido

En la Jalta municipo estas du urboj (Jalto kaj Alupko, kiuj havas proprajn urbestrarojn) kaj 7 komunumoj (ruse - поселковый совет, ukraine - селищна рада), kiuj estas regataj de komunumaj konsilantaroj kaj havas sume 21 urbotipajn loĝlokojn kaj 9 vilaĝ(et)ojn. En la listo parenteze estas menciitaj la historiaj krime-tataraj nomoj, kiuj estis ŝanĝitaj en la jaroj 1945-49 post ekzilo de la krime-tatara loĝantaro (tamen tiuj loĝlokoj sufiĉe ofte estas nomataj per iliaj historiaj kaj neoficialaj nomoj). En la suba listo la nomoj de urbotipaj loĝlokoj estas esperantigitaj, dum la nomoj de vilaĝ(et)oj - ne; vidu ankaŭ la tabelon fine de la artikolo.

• Forosa komunumo (plej okcidenta parto de la munucupo)
  • Foroso
  • Olivo
  • Sanatorno - la loĝloko unuigas 3 historie apartajn loĝlokojn: Melas, Muĥalatka kaj Mŝatka
• Gaspra komunumo (mez-okcidenta parto de la municipo)
  • Gaspro
• Gurzufa komunumo (plej orienta parto)
  • Gurzufo
  • Danilovka / Aj-Danil (Ay Danil)
  • Krasnokamenko (Qızıltaş)
  • Linejnoje
  • Partizanskoje
• Koreiza komunumo (mez-okcidenta parto)
  • Koreizo
  • Misĥor — la iama loĝloko nuntempe administre ne estas aparta kaj estas parto de Koreizo
• Livadia komunumo (proksim-okcidenta parto)
  • Livadio (la loĝloko Livadio, kvankam administre memstara, estas fakte okcidenta antaŭurbo de Jalto)
  • Gornoje (Eriklik)
  • Kujbiĉevo (İsar)
  • Kurpato
  • Oreando
  • Oĥotniĉje
  • Vinogradno
  • Visokogornoje (Tüzler)
• Masandra komunumo (proksim-orienta parto)
  • Masandro (la loĝloko Masandro, kvankam administre memstara, estas fakte orienta antaŭurbo de Jalto)
  • Nikito
  • Otradno (Mağaraç)
  • Sovetsko (Dolossı)
  • Vosĥodo (Cemiet)
• Simeiza komunumo (fore okcidenta parto)
  • Simeizo
  • Beregovo (Kastropol)
  • Golubozalivo (Limena)
  • Kacivelo (Katsiveli)
  • Opolznevoje (Kikeneiz)
  • Parkovo (Yañı Küçükköy)
  • Ponizovko

Transporto

La plej proksima flughaveno estas en Simferopolo. En Jalto estas marhaveno, kiu aktivas plejparte somere (per mallong-distancaj ŝipetoj eblas atingi multajn ĉemarajn loĝlokojn de la Jalta municipo, Aluŝton kaj Sudakon).

Fervojaj linioj ne ekzistas. La plej proksimaj fervojaj stacidomoj estas en Sebastopolo kaj Simferopolo (la pli granda). En la municipo estas 1 aŭtovojo de internacia graveco (Ĥarkovo-Simferopolo-Aluŝto-Jalto, M18) kaj kelkaj aŭtovojoj de loka graveco.

La ĉefa pasaĝera trafiko estas plenumata per busoj (en Jalto estas granda aŭtobusa stacidomo, kiu ligas la urbon kun ĉiuj aliaj urboj de Krimeo kaj kun multaj urboj de Ukrainio kaj Rusio; krome multas la apudurbaj busaj itineroj). Inter Jalto kaj Simferopolo ekzistas la interurba trolebusa linio.

Vidindaĵoj

La Jalta municipo tre riĉas je diversaj vidindaĵoj kaj estas tre populara turisma kaj ripoza loko. Ĉiuj vidindaj lokoj facile alingeblas el Jalto.

• Nikita Botanika Ĝardeno en Nikito
• Internacia infana centro Arteko en Gurzufo
• Livadia palaco
• Palaco de grafo Voroncov en Alupko kaj la parko, kiu ĝin ĉirkaŭas
• Forosa pregejo (bela arkitektura monumento, konstruita sur elstara roko 400 metrojn super la marnivelo)
• Simeiza natura vidindaĵo (monto Koŝka kaj 3 belaj rokoj)
• Simeiza astrofizika observatorio
• La kasteleto "Hirunda nesto" en Gaspro
• Aj-Petro - 1200 metrojn alta monto, atingebla el Misĥor per telfero
• La akvofalo Uĉansuo ĉe Jalto - la plej alta akvofalo de Ukrainio
• "Arbarkampeto de fabeloj" - unika muzeo de fabelaj roluloj sub klara ĉielo
• Masandra vinfarejo - unu el la plej bonaj vinfarejoj en la mondo
• Masandra palaco de la caro Aleksandro la Tria
• Ajudago - natura monumento, 500 metrojn alta monto ĉe Gurzufo

Vidu ankaŭ

Por pli bone konatiĝi kun la regiono, bv rigardi ankaŭ la jenajn artikolojn:

• Jalto
• Suda Bordo de Krimeo