Kombajno

Claas-kombajno rikoltas

Kombajno aŭ (gren)rikolta dreŝmaŝino estas kombinita agrikultura maŝino, kiu aŭtomate kaj sinsekve rikoltas, draŝas kaj purigas la grenon kaj aliajn grajnogravajn plantojn (ekz. sunfloro).

Oni povas nomi eĉ terpoma, sukerbeta ktp. kombajno, rikolta maŝino tiujn maŝinojn kiuj kolektas ne la grajnajn produktojn de la plantoj.

Oni prezentis la unuan ĉevaltirita antaŭulon en 1836, en la usona federacia ŝtato Michigan. La unuaj traktor-tiritaj kombajnoj aperis en la 1930-aj jaroj, sed ili fakte disvastiĝis ekde fino de la 1940-aj jaroj kiel memmovaj kombajnoj. Tiuj kombajnoj povis jam rikolti en larĝo de 2,5–5,5 m. Oni komence planis, evoluigis la kombajnon por rikolti la tritikon, sed pli ĝi estis akomodita eĉ al ĉiu greno.

Partoj de kombajno

Sekco de kombajno

Sekco
1	Haspelo	11	Supra kribrilo
2	Tranĉ-meĥanismo	12	Suba kribrilo
3	Spik-entirilo	13	Retransporta ŝraŭbo
4	Spik-movilo	14	Retransportejo
5	Ŝton-kaptujo	15	Grajnotransporta ŝraŭbo
6	Draŝ-tamburo	16	Grenkolektujo
7	Draŝ-korbo	17	Pajlo-elĵetilo
8	Pajlo-skuilo	18	Stirkabino
9	Antaŭprepara tabulo	19	Motoro
10	Blovilo

Laŭ Esperanta Bildvortaro

• kulm-apartigilo, tig-apartigilo
• almet-haspelo
• almetilo
• tranĉ-mekanismo kaj spiklevilo (infloresko-levilo)
• spik-entirilo
• stir-mekanismo
• spik-movilo
• motoro
• draŝ-tamburo
• draŝ-trabeto
• draŝ-korbo
• korb-krado
• pajlo-movilo
• pajlo-skuilo
• gren-barilo
• transport-tabulo (movas grenerojn retroen)
• pajleret-kribrilo
• grener-kolektilo
• suĉ-rostro (unua purigo)
• transport-ŝraŭbo al la sen-aristigilo (dua purigo)
• transport-ŝraŭbo por repreno de spikoj
• pajlo-elĵetilo
• pajlo-premilo
• stirebla radakso
• transmisiilo

La grajnoj estas kolektitaj grenkolektujo. La pajlo elfalas disŝute aŭ kiel pajlopremaĵo en cilindro- aŭ kvadroformo.

Oni adaptis la kombajnojn por rikolti rizon (raŭpa kombajno aŭ kun larĝaj pneŭoj) aŭ sur dekliva surfaco (per hidraŭlika sistemo).