Texel

Texel [ˈtɛsəl] (frise: Tessel; esperantigo: Teselo) estas insulo kaj komunumo en la provinco Noord-Holland kaj ankaŭ estas parto de Okcident-Frislando. La areo estas 585,96 km² el kiu la plej granda parto (416,14 km²) estas (interna- kaj ekstera) akvo, la terareo estas nur 170km². La averaĝa longeco de Teselo estas 20 km kaj la averaĝa larĝeco 8 km.

Teselo havas 13.735 loĝantojn (1-a de januaro 2004). De la laboranta loĝantaro de pli ol 3500 homoj proks. 17% laboras en la agrikulturo. La unuaj loĝantoj de Teselo eble estis el la Meza ŝtonepoko (8000-4500 a. K); arkeologoj trovis indikojn por tio. En 1415 Teselo (la tuta insulo) ricevis urborajtojn. Pro tio la insulo, almenaŭ laŭ areo, estas la plej granda urbo de Nederlando.

Sur Teselo estas Esperanto-monumento (vidu Listo de ZEO-j en Eŭropo).