Szár

Szár (sAr) estas vilaĝo en Hungario en regiono Meza Transdanubio, en departemento Fejér, en subregiono Bicske. La nomo signifas hungare stipo.

• Areo: 45  km²
• Loĝantaro: 2320
• Poŝta kodo: 2065
• Telefonprefikso: 22

La vilaĝo situas laŭ (malnova) ĉefvojo kaj fervojo inter Budapeŝto kaj Vieno, aŭtoŝoseo M1 al la samaj direktoj preteriras.

Dum la turka erao la vilaĝo senhomiĝis. Poste laŭ strategio de Habsburgoj ĉirkaŭ Buda germanoj-ŝvaboj setliĝis. En 1787 postbaroka katolika preĝejo, en 1816 kalvinana baroka-klasikisma preĝejo konstruiĝis. En 1945 por Budapeŝto okazis gravaj bataloj, la vilaĝo ruiniĝis. En 1946 la ŝvaboj forpuŝiĝis al Germanio, alvenis hungaraj rifuĝintoj el Ĉeĥoslovakio. En 1960 kolĥozo pri Paco formiĝis. Ekde 1987 karbonominejo funkcias.

La vilaĝo havas germanan kaj ciganan aŭtonomiojn.