Tápiószecső

Tápiószecső (tApiOseĉO) estas grandvilaĝo en Hungario en regiono Meza Hungario, en departemento Pest, en subregiono Nagykáta. Tápió estas rojo, alfluanto de rivero Zagyva.

• Areo:39 km²
• Loĝantaro: 6370
• Poŝtkodo: 2251
• Telefonprefikso: 29

La grandvilaĝo situas sur ebenaĵo, laŭ la ĉefvojo kaj fervojo Budapeŝto-Nagykáta-Szolnok, inter Urboj Gyömrő kaj Nagykáta. La ĉefurbo estas 48 km-ojn for.

El la bronzepoko oni trovis terfortikaĵon. La unua skriba mencio devenas el 1263. En la 15-a j.c. ĝi iĝis kampurbo. Dum la turka erao la vilaĝo ne senhomiĝis. La katolika preĝejo en la 17-a j.c. konstruiĝis. En 1874 la fervojo ekfunkciis. En 1914 vilaĝdomo konstruiĝis.

Apud la grandvilaĝo fiŝista lago troviĝas, krome apartenas al Tápiószecső ankaŭ setlejo Magdolnatelep havanta apartan fervojan haltejon.