Aŭgusto la 2-a (Pollando-Litovio): Malsamoj inter versioj

Enhavo forigita Enhavo aldonita

Enteksta

Kiel registrite je 20:35, 17 aŭg. 2008

Frederiko Auĝusto la 1-a de Saksio – germane Friedrich August I. – ofte nomata "Aŭgusto la Forta" – August la Starke – estis eŭopa baroka reganto. Li naskiĝis la 12-an de majo en Dresdeno kaj mortis la 1-an de februaro 1733 en Varsovio. Ekde la jaro 1697 li sub la nomo Aŭgusto la 2-a ankaŭ estis la reganto de Pollando-Litovio – pole August II Mocny , litove Augustas II (antrasis)" – kaj do estis pola reĝo kaj litova grandduko.

Li estis inter la plej pompaj eŭropaj regantoj de sia epoko kaj iĝis la prototipo de absolutisma reganto, kiu per konstruo de multekostegaj kasteloj kaj okazigo de luksaj festoj enscenigis sian riĉecon kaj potencon. Aparte li konstruis luksajn reprezentajn konstruaĵojn en liaj rezidejoj Dresdeno kaj Varsovio, kaj kompense tre ŝparis pri investoj en la malĉefurbaj partoj de Saksio kaj Polllando-Litovio.

Grandegajn sumojn ankaŭ kostis pluraj militoj, en kiu lia armeo partoprenis, antaŭ ĉio la Granda Nordia Milito, en kiu Aŭgusto havis centran rolon. Kadre de tiu milito li fine ja stabiligis sian regadon de Pollando-Litovio, sed tuteŭrope precipe fortiĝis la Rusia Imperio, kies influo ankaŭ al Pollando-Litovio intensiĝis, tiel ke fine de la 18-a jarcento, malpli ol 80 jarojn post la fino de la Granda Nordia Milito, la ŝtato Pollando-Litovio komplete malaperis kaj findividiĝis inter Rusio, Prusio kaj Aŭstrio-Hungario.