Haute-Loire

Haute-Loire (43)
Informoj
Regiono :	Aŭvernjo
Prefektejo :	Le Puy-en-Velay
Subprefektejoj :	Brioude Yssingeaux
Loĝantaro  - Suma (1999)  - Loĝdenso	209 113 loĝantoj 42 loĝantoj/km²
Areo	4 977 km²
Arondismentoj	3
Kantonoj	35
Komunumoj	260
Prezidento de la Ĝenerala Konsilio	Gérard Roche
Situo en Francio

Haute Loire [ot lŭar] (esperante tio signifas "supra Lŭaro"), estas unu el la kvar departementoj de la franca regiono Aŭvernjo, situanta meze de Francio. Ĝi ampleksas 4 965 km² kaj havas 209 210 enloĝantojn. La ĉefurbo de tiu departemento estas la malgranda urbo Le Puy-en-Velay. La departemento tute enhavas 260 komunumojn.

La departemento situanta sur la altaj ebenaĵoj de la Centra Montaro (france : Massif Central) estas plejparte rurala, kaj maldense loĝata. La plej alta punkto de la Haute-Loire estas la monto Mézenc, 1753 metrojn alta.

Agrikulturo okupas grandan parton de la ekonomia vivo, precipe bredado. Sed tiu sektoro perdas rapide sian signifon, kaj la arbaroj kiuj kovras la teritorion plivastiĝas, anstataŭigante la kampojn.

Industrio ne rolas gravan rolon, kaj estas ĉefe reprezentata de malgrandaj fabrikoj (fabrikado de mebloj, nutraĵoj, teksaĵoj).

Kiel en multaj aliaj ruralaj regionoj de Francio, turismo disvolviĝas, inter alie "verda turismo" : naturaj parkoj, montaro, lagoj, sportaktivecoj, skiado. la departemento ankaŭ havas kelkajn belajn ekzemplojn de sia riĉa historio : monaĥejoj, kasteloj, mezepokaj vilaĝetoj.

Vidu ankaŭ

• Komunumoj de Haute-Loire

Eksteraj ligiloj

greke http://www.haute-loire.pref.gouv.fr greke http://www.cg43.fr greke http://www.zoom43.fr greke http://www.bestofhauteloire.com