Ŝivo

Ŝivao
Dosiero:Shiva.png
virdio • hindua dio • legenda figuro
Patro
Patrino
Vâhana	Nandio
Atributoj	la ĵatamukutao Kundalinio felo de tigro tridento konko
Nuptopartnero	Parvatio Durgao Kalio Satio
Idaro	Ganeŝao Skandao
Aliaj nomoj	Ŝandraŝkharao Ganĝadharao ktp. vidu la artikolon

Ŝivao (sanskrite शिव) - kelkoje transskribata kiel Sivao, "la bona, la afabla, kiu feliĉecon alportas" - estas laŭ Hinduismo formo de Dio.

En la Dia Triopo (kun Bramo kaj Viŝnuo), li estas la Detruanto. Kvankam li representas detruon, oni rigardas lin favore (kiel Detruanto de Malbono) ĉar post detrui ebliĝas la konstruo.

Laŭ la Ŝivaistoj, Ŝivao estas personiĝo el absoluteco, la detruanta kaj samtempe rekreanta deveno de la tutmondo, disdonante mortiĝon kaj renaskiĝon.

Estas origine dravida Dio, kies unuaj fontoj la arjajn invadojn antaŭas.

Funkciaĵoj

Estas Dio de destrueco. Li bildigatas kun tria okulo, simbolo por sageco, meze de lia frunto kaj kun kobro ĉirkaŭ lia kolo. Li portas tridenton (triŝulao) kaj tenas perkutileton (damaruo). Li sidas sur felo de tigro, simbolo por potenca energio. Ŝhivao efektive reprezentas dormantan kreeman fonton.

El lia hararo, en kiu troviĝas krescenta luno, simbolo por tempa ciklo, droniĝas Gango, sankta rivero laŭ hinduismanoj. Lia rajdbesto estas la taŭro Nandi.