Ŝaŭmvino

Ukraina Ŝampansko

Ŝaŭmvino estas vino kun signifa parto de karbonacido. La karbonacido estiĝas per natura fermentado (aŭ en la botelo mem laŭ la ĉampana metodo aŭ en fermentujo) aŭ per injekto de karbonacido.

Laŭ la produktado oni distingas inter jenaj eblecoj:

• La karbonacido estas teknike aldonita ("Ŝaŭmvino kun aldonita karbonacido")
• La karbonacido devenas el la unua fermentado laŭ la Méthode rural (france, kampara metodo) aŭ la Asti-metodo; ekzemploj: Refosco, Moscato spumante d´Asti, Clairette de Die, Blanquette de Limoŭ, Blanquette méthode ancestrale.
• La karbonacido devenas el la dua fermentado laŭ la metodoj Méthode champenoise (ĉampana metodo) aŭ Méthode traditionelle (metodo tradicia), laŭ la Transvasier-procezo (botela fermentado sed kun parta aŭtomatita laborprograma etapo) aŭ laŭ la Méthode Charmat (metodo Charmata) aŭ fermentujego-procezo.

La historio de ŝaŭmvino etendiĝas ĝis la romianoj.

Ekzemploj por ŝaŭmvinoj

• Francio: Ĉampano kaj Crémant [kreMAⁿ] estas altkvalitaj ŝaŭmvinoj el aŭ ekster la regiono Ĉampanjo.

• Germanio: La altkvalita Sekt devas esti laŭleĝe produkita laŭ la metodoj ĉampana aŭ Charmata.

• Hispanio: Cava [KAba] estas altkvalita ŝaŭmvino, similas al ĉampano.

• Italio: La Prosecco [proSEko] devenas de la samnoma vitospeco el la regiono Veneto.

• Ukrainio: Ŝampansko (ukraine шампаньске) estas farata el ruĝaj kaj blankaj vitospecoj per botela fermentado.

Eksteraj ligiloj kaj fontoj

• Pri Bohemia ŝaŭmvino
• Effervescents du Monde — Retpaĝo pri internacia konkurso ŝaŭmvina
• Pri Usona ŝaŭmvino