Toleremo

Religia maltoleremo: la vera religio brulas judon, islamanon kaj paganon, reliefo de katolika preĝejo en Vilno, Litovio

Toleremo devenas de la latina verbo: tolerare, kiu signifas "elteni", sed ankaŭ "allasi" aŭ "akcepti". Laŭ PIV "tolero" estas ago de iu, kiu toleras, kaj ankaŭ la rezulto de tiu ago; kompreneble toleras plej ofte tiu, kiu toleremas kaj inverse. Toleremo estus inklino allasi ĉe la aliaj pens- aŭ agmanierojn, kiujn oni ne uzas aŭ aprobas mem, kiel religia toleremo, politika toleremo, ktp.

Tiu, kiu kutime ne toleras estas netolerema kaj, se faras tion sisteme kaj troe, estas maltolerema. Do, maltoleremo estas pli alta grado de netoleremo.

Citaĵoj

• Toleremo iĝas krimo, kiam ĝi celas malbonon. – Thomas Mann, Der Zauberberg (la sorĉomonto)
• Toleremo estu nur portempa sento: ĝi konduku al agnosko. Akcepto signifas ofendon. – Goethe, Maximen und Reflexionen
• Nome de toleremo ni havu la rajton ne ignori maltoleremon. – Sir Karl Popper
• Kuraĝo al maltoleremo! – Carlo Schmid
• Toleremo signifas respekton de la konvinko de aliaj, ne forlason de la propra konvinko. – Walter Kasper
• Toleremo estas suspekto, ke la alia pravas.[sic] von Kurt Tucholsky

Proverbo

Ekzistas proverboj pri toleremo en la Proverbaro Esperanta de L. L. Zamenhof:

• 	„ Al la papero ne mankas tolero. ”

• 	„ Li ne toleras eĉ muŝon sur la muro. ”

• 	„ Tempo toleras, sed vero aperas. ”

Eksteraj ligiloj

• Lars Gustafsson: La logiko de toleremo (germane)
• Aktuala literaturo pri toleremo (germane)
• Esploro pri toleremo (germane)
• Bibliografio pri toleremo kaj ties esploremo
• Ideo pri toleremo en Aŭstrio
• Klarigoj de la principoj de toleremo