Malsuprasoraba lingvo

Dulingva germana malsuprasoraba ŝildo en Cottbus.

Suprasoraba (Delnjoserbšćina)
lingvo • moderna lingvo
soraba lingvo
Parolata en	Germanio
Regiono	Malsupra Luzacio
Parolantoj	14 000
Skribo	Latina alfabeto
Lingvistika klasifiko
Hindeŭropa lingvaro Slava lingvaro Okcidentslavaj lingvoj Soraba lingvo Malsuprasoraba
Oficiala statuso
Oficiala lingvo en	Malsupra Luzacio (Brandenburgio/Germanio)
Lingvaj kodoj
Lingvaj kodoj
ISO 639-2	dsb
ISO 639-3	dsb
SIL	dsb
Glottolog	lowe1385
Angla nomo	Lower Sorbian
Franca nomo	bas-sorabe

Malsuprasoraba lingvo (malsuprasorabe dolnoserbšćina, germ. Niedersorbisch, pol. dolnołużycki, ĉeĥ. dolní lužická srbština) estas okcidentslava lingvo, kiu estas parolata en Malsupra Luzacio, en la ĉirkaŭaĵo de la urbo Cottbus.

Fonetiko

Malsuprasoraba lingvo distingiĝas per kelkaj specifaj sonaj evoluoj kaj apartaĵoj, per kiuj ĝi diferencas de aliaj okcidentslavaj lingvoj.

Vokaloj:

• *ę > ě (sub akcento, ekz.: měso, rěd, pěś) resp. 'e (ekster akcento, ekz. śele)
• 'e > 'a (wjas, njamaš)
• *tṛt > t'art (kjarcma, gjarnc)
• o (post labialoj kaj velaroj, kiuj ne staras antaŭ labialoj resp. velaroj, ĉiam sub akcento, kelkfoje ankaŭ ekster akcento) > ó (en dialektoj malsame prononcata kiel e, y aŭ ó, ekz. *gora > góra [gera, gyra, góra].

Konsonantoj

• *ť, *ď > ś, ź (śerpjeś, źěd)
• konservita *''g'' (ekz. góra, glědaś, guska)
• konservita palatala ŕ (parte ankaŭ kiel fina sono, ekz. buŕ, ceptaŕ)
• malmoliĝo de *''š'', *''ž'' (ekz. šyroki, žyto)
• ŝanĝiĝo č > c ("mazurado" (sorabe mazurěrowanje), ekz. cas, cesto, cytaś)
• *kŕ, *pŕ, *tŕ > kś, pś, tś (kśikaś se, pśěza, tśi)
• *kr, *pr, *tr > kš, pš, tš (kšej, pšawy, tšawa)
• simpligo de la grupo *str > tš (sotša, wótšy)
• konservo de la grupo *stŕ kiel stś (stśělaś, stśigaś)

Malsuprasoraba alfabeto

Malsuprasoraba alfabeto
a	b	c	č	ć	d	e	ě	f	g	h	ch	i	j	k	ł	l	m	n	ń	o	p	r	ŕ	s	š	ś	t	u	w	y	z	ž	ź
A	B	C	Č	-	D	E	-	F	G	H	Ch	I	J	K	Ł	L	M	N	-	O	P	R	-	S	Š	Ś	T	U	W	Y	Z	Ž	Ź

Lingvaj monumentoj

La plej malnova granda lingva monumento de la malsuprasoraba lingvo estas manskriba traduko de Mikławš Jakubica el la jaro 1548. La unua printita malsuprasoraba libro estas malsuprasorabaj kantaro kaj kateĥismo de Albin Moller el la jaro 1574. Pliaj gravaj lingvaj monumentoj estas "Enchirideon Vandalicum" de Handrij Tara (1610) kaj manskriba gramatiko de Jan Chojnan (1650).

Eksteraj ligiloj

Vortaroj

• www.dolnoserbski.de - němsko-delnjoserbski słownik w syći
• SorbWord
• Korpus GENIE
• Lexikalische Übungen (de-dsb)

Aliaj ligiloj

• Malsuprasoraba radioprogramo (real audio)

Fontoj

Muka, E., Historische Laut- und Formenlehre, Lipsk, 1891. Serbski rěčny atlas, zwjazki 1-15. (laŭ la suprasoraba vikipedio)