Frakcio Sendependeco kaj Demokratio

Prezidanto	Emblemo
Nigel Farage kaj Jens-Peter Bonde
Bazaj informoj
fondodato:	20-a de julio 2004
fondoloko:	Bruselo
prezidanto:	Nigel Farage kaj Jens-Peter Bonde
ĝenerala sekretario:	?
partia disdivido:	?
centra oficejo:	rue Wiertz 60 1047 Bruselo Belgio
koloroj:	blua, oranĝa
retejo:	www.indemgroup.org

La Frakcio Sendependeco kaj Demokratio estas eŭroposkeptikisma frakcio en la Eŭropa Parlamento. Ĝi daŭrigas la laboron de la antaŭa, intertempe malfondita frakcio "Eŭropo de Demokratioj kaj de Diverseco" (EDD).

Ĉefa celo de la frakcio estas renuligi la influon de la instancoj de la Eŭropa Unio al la naciaj membroŝtatoj kaj restarigi plenan politikan suverenecon de la unuopaj ŝtatoj.

Post kiam dum februaro 2006 la tiama ministro pri reformoj de Italio, Roberto Calderoli, produktigis T-ĉemizojn kun karikaturaĵoj pri Mahometo kaj montris ilin en televida intervjuo, sekve de kio en Libio erupciis perfortaj protestoj kaj mortis 11 homoj, rezulte la kvar parlamentanoj de la itala partio Lega Nord ("Ligo Norda") estis malmembrigitaj el la frakcio.

Post la eŭropa baloto 2004 al la frakcio apartenas parlamentanoj el naŭ diversaj eŭropaj landoj. Kun nur 24 parlamentanoj la frakcio estas la dua plej malgranda frakcio de la Eŭropa Parlamento - nur la Frakcio Identeco, Tradicio, Suvereneco pli etas.

La frakcion kune gvidas la brita politikisto Nigel Farage (nacia partio UKIP) kaj la dana politikisto Jens-Peter Bonde (nacia partio JuniBevægelsen).

Naciaj partioj de la frakcioj

La koloroj simboligas la apartenon al la unuopaj subgrupoj de la frakcio.

ŝtato	partio	subgrupo	parlamentantoj
Ĉeĥio	Nezávislí	AIDE	1
Danio	JuniBevægelsen ("Junia Movado")	EUD	1
Francio	Mouvement pour la France	AIDE	3
Grekio	Laikós Orthódoxos Synagermós (LAOS)	AIDE	1
Nederlando	ChristenUnie	ECPM	1
Nederlando	Staatkundig Gereformeerde Partij	sendependa	1
Pollando	Urszula Krupa kaj Witold Tomczak (Liga Polskich Rodzin)	AIDE	3
Irlando	Kathy Sinnott (sendependa)	EUD	1
Svedio	Junilistan ("Junia listo")	sendependa	2
Britio	United Kingdom Independence Party ("Partio pri Sendependeco de Britio")	sendependa	10

subgrupo	parlamentanoj
United Kingdom Independence Party	10
AIDE (Ĉeĥio, Francio, Grekio kaj Pollando)	8
EUD (Irlando kaj Danio)	2
Junilistan (Svedio)	2
ECPM (Nederlando)	1
Staatkundig Gereformeerde Partij (Nederlando)	1

Gvidaj frakcianoj

• Jens-Peter Bonde ( Danio, prezidanto, JuniBevægelsen)
• Nigel Farage ( Britio, prezidanto, UK Independence Party)
• Kathy Sinnott ( Irlando, estrarano, senpartia)
• Johannes Blokland ( Nederlando, estrarano, Eŭropa Kristana Politika Movado)
• Paul Marie Coûteaŭ ( Francio, estrarano, Mouvement pour la France)
• Georgios Karatzaferis ( Grekio, estrarano, LAOS)
• Nils Lundgren ( Svedio, estrarano, Junilistan)
• Vladimír Železný ( Ĉeĥio, estrarano, Nezávislí)

Retaj ligiloj

greke oficialaj paĝoj (anglalingvaj) de la frakcio greke informoj pri la frakcianoj (ĉi-tie en la germana, sed ankaŭ havebla en aliaj lingvoj)