Hélder Câmara

Dom Hélder CÂMARA /'εłdeR 'kâmarə/ naskiĝis en la 2-a de julio 1909 en Fortalezo (Brazilo) kiel 11-a el 13 filoj en sia familio. Lia dua antaŭnomo Hélder estas la nomo de Nederlanda urbo, kiu plaĉis al João Câmara, lia patro.

En la aĝo de 22 Hélder Câmara ricevis specialan permeson pastriĝi je 22-a de aŭgusto 1931, kvankam li ne havis la regule necesan aĝon. Kiel pastro li klopodas uzi simplan lingvaĵon kompreneblan por lia aŭskultantaro de fideluloj.

En 1950 li en Romo (Italio) konatiĝas kun monsinjoro Montini (posta papo Paŭlo la 6-a). En 1952 li estis elektita kiel episkopo kaj organizas CNBB, la Konferencon Nacian de la Brazilaj Episkopoj. Post la armea puĉo en 1964 li kontraŭas la armeajn regantojn kaj senperforte engaĝiĝas por sociala kaj demokratia ŝtato. Tiusence li influis la ekleziajn decidojn de Medellin kaj Puebla (1971).

Hélder Câmara ricevis pli ol dudek honorajn doktorecojn kaj la honoran civitanecon de trideko da urboj.