Dorlotbesto

Domhundo

Dombesto estas ne libere vivanta, je homoj alkutimigita besto, kiun homoj tenas parte aŭ tute en domoj (tiukaze temas pri dorlotbestoj) aŭ en bienoj por sporto, propra ĝuo, dorlotado (ekz. okaze de ĉevaloj oni povas same paroli pri dorlotbesto) aŭ por agrikultiva uzo (ekz. bovoj, porkoj, parte ĉevaloj).

Plejmulto da dombestoj estas aldomigitaj, kiuj estas tenataj kaj bredataj de homoj de jam multaj generacioj.

Ĉefe infanoj (eŭropaj) ŝategas havi dorlotbeston. Sed la flegado de besto estas ofte tro por ili kaj necesas ke la gepatroj transprenu tiun taskon. Do necesas bone priprensi antaŭ ol havigi al si dombeston. Ili ja ne estas anstataŭigo de ludiloj. Necesas klarigi al infanoj, ke alveno de dombesto signifas respondecon por la besto. Ofte oni miskalkulas la kostojn de dombesttenado, ĉefe la bestkuracistajn. Pro tiuj kaj aliaj kialoj, en Eŭropo, ĉiujare dum la ferioj, multaj dombestoj estas tutsimple forlasitaj sur la aŭtovojoj.

Kutimaj dombestoj (dorlotbestoj)

• Hundo
• Kato
• Hamstro
• Kavio
• Furo
• Muso
• Kuniklo
• Birdo
• Fiŝo
• ...

Nekutimaj dombestoj

• Araneo
• Krokodilo
• Rato
• Serpento
• Simio
• Skorpiono